"Блумберг" ұсынған ақпаратқа назар аударсақ: Биыл бізде өсім 3,7 пайыз болады. Халықаралық валюта қоры да тура осындай болжам жасаған. Келесі жылы көрсеткіш 7 жыл бұрынғы деңгейге жуықтайды. Бұл – жағдай пандемияға дейінгі кезге жуықтайды деген сөз. 2023-те шамалы түседі.
Салыстыру үшін мысал келтірсек, теріскейдегі көршімізде жағдай жақсы емес. Рецессияның болу мүмкіндігі - 10 пайыз. АҚШ экономикасы биыл жоғары өсім көрсетеді. Америкалық экономистер ол 7-ден асады деп жатыр. "Блумберг" оны 6,6 деп белгіледі. Келесі жылы 2,5 пайызға дейін төмендейді. Одан кейін де белсенділіктің бәсеңдейтінін байқаймыз. АҚШ-тың басты бәсекелесі - жетекші орында. Дегенмен алдағы екі жылда өсім айтарлықтай төмендейді.
Бұл – бар болғаны болжам. Жағдайдың қандай болары індеттің таралу қарқынына байланысты. Екпе салу жылдамдығы, экономикасы шикізатқа тәуелді елдер үшін мұнай бағасының динамикасы да маңызды рөлге ие.
