/img/Group 538png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Экономикалық шараларға қарамастан акциялар құлдырап жатыр

Экономикалық шараларға қарамастан акциялар құлдырап жатыр

Жапониядағы биржа саудасында негізгі индекстер төмендеуде.

30 Наурыз 2020 14:34 257

Экономикалық шараларға қарамастан акциялар құлдырап жатыр

Nikkel 225 индексі 3,84%-ын жоғалтты. Topix 4,37%-ға кеміді. Softbank Group конгломератының құнды қағаздары 7,74%-ға құлдырады. 

Басқа азиялық нарықтардағы жағдай көңіл көншітіп отырған жоқ. Ол алаңдарда да көрсеткіштер төмендеуде. Мысалы, оңтүстіккореялық Kospi 2,44%-ға, гонконгтік Hang Seng индексі 2,02%-ға түсіп кетті. Shanghai Composite болса, 1,17%-ға төмендеді. MSCI Asia ex-Japan 5%-ға құлдырады. 

Оң көрсеткішке ие болып отырған тек австралиялық ASX 200  индексі: 2,14 пайызға көтерілді. 

Азиялық инвесторлардың назары қазір Covid-19  пандемиясында. Соңғы мәлімет бойынша, науқастардың саны 720 мыңнан, ал қаза тапқандардыкі 30 мыңнан асып кеткен. Кей сарапшылардың ойынша, нарықтағы құбылмалылық біразға дейін сақталуы мүмкін. 

Табиғат Нұрболат

Америкалық валютаның әлсіреуі қор нарығына да жағымды әсер етті

Азиялық индекстер де 0,4 пайызға көтерілді.

10 Сәуір 2020 15:38 344

Америкалық валютаның әлсіреуі қор нарығына да жағымды әсер етті

АҚШ-тың Федералды қор жүйесі экономиканы ынталандыру үшін 2 трлн 3 млрд доллар бөлуге рұқсат берген соң, доллар индексі түсіп кетті. Осы жолы көрсеткіш аптадағы ең шекті деңгейге дейін құлдыраған, деп хабарлайды Atameken Business. 

Тиісінше, еуро 0,6 пайызға өсім көрсетті. Юань бағамы да шамалы нығайды.

Америкалық валютаның әлсіреуі соңғы кезде тұрақсыз болып кеткен қор нарығына да жағымды әсер етті. Азиялық индекстер де 0,4 пайызға көтерілді.

Нарық сарапшылары АҚШ экономикасы екінші тоқсаннан кейін оңала бастайтынын айтады. Індеттің таралуына қатысты жағымсыз болжамға күмәнмен қараған олар, бірер аптада вирус жұқтырғандар саны азаяды деп инвесторлардың күпті көңілін көтеруге тырысуда.

Үндістан экономикасын ынталандыру үшін 22,6 млрд доллар бөледі

Биліктің мұндай шешімді қабылдауына пандемия түрткі болып отыр.

26 Наурыз 2020 17:38 256

Үндістан экономикасын ынталандыру үшін 22,6 млрд доллар бөледі

Үндістан үкіметі коронавирус пандемиясынан зардап шеккендерге 22,6 млрд доллар шығындамақ. Елдің қаржы министрінің айтуынша, одан бөлек азық-түлік мәселесі де қарастырылатын болды. 

Алдағы үш айда билік жағдайы төмен тұрғындарды тегін газбен қамтамасыз етіп, медициналық қызметкерлерге 5 миллион рупий көлемінде сақтандыру төлемін үлестірмек.

Айта кететін жайт, Үндістанда 25 наурыздан бастап қатаң оқшаулану режимі енгізілген. 21 күн бойы барлық өңірлер арасындағы шекаралар жабық болады. Барлық тұрғындар үйлерінен шықпауы тиіс, яғни коменданттық сағат жарияланды. 

Соңғы ресми мәліметке сүйенсек, елдегі науқастардың саны 649-ға жеткен, 13 адам індеттен қайтыс болған.

Табиғат Нұрболат