Премьер-Министрдің орынбасары – Ұлттық экономика министрі Нұрлан Байбазаров әлеуметтік-экономикалық даму туралы баяндады, деп хабарлайды inbusiness.kz сайты.
"Оның ішінде нақты сектор – 3,8%-ға, ал қызмет көрсету саласы 3,5%-ға өсті.
Салалар арасында ең жоғары өсімді құрылыс (12,8%), көлік және қоймалау (11,4%), ақпарат және байланыс (10,6%), сондай-ақ өңдеу өнеркәсібі (6,9%) көрсетті. Негізгі капиталға салынған инвестициялардың өсу қарқыны 0,6%-ды құрады. Инвестициялар ағыны білім беруде – 3,6 есеге, қаржы және сақтандыру қызметінде – 3 есеге, көлік және қоймалауда – 2,1 есеге, құрылыста – 2 есеге, ақпарат және байланыста – 20,9%-ке, сондай-ақ өңдеу өнеркәсібінде 15,8%-ға өсті", - деді ведомство басшысы.
Нұрлан Байбазаровтың дерегінше, өңірлер арасында ең жоғары өсім Жетісу, Ұлытау, Жамбыл және Алматы облыстарында байқалды.
"Алдын ала қорытынды бойынша 2023 жылы сыртқы сауда тауар айналымы 3,2%-ға өсіп, 140 млрд долларға жуықтады. Экспорт 79 млрд долларға жуықтап, оның ішінде өңделген тауарлар экспорты 25 млрд-тан аса долларды құрады. Тауарлар импорты 61 млрд доллардан асты", - деді Ұлттық экономика министрі.
Айта кету керек, осыған дейін Үкімет құрамына кірген жаңа министрлер ант бергенін жазған болатынбыз.
