Денсаулық сақтау министрі Ақмарал Әлназарова Үкіметте өткен брифингте Ажар Ғиният қандай қызмет атқаруы мүмкін деген мәселеде пікір білдірді, деп хабарлайды inbusiness.kz сайты.
Тілші ведомство басшысынан "Экс-министр Ажар Ғиниятқа жаңа лауазым табылды ма?" деп сұрады.
"Қазір Ажар Ғиниятқызы демалыста. Өзінің дайын болуына қарай жұмысқа кіріседі деген ойдамын. Денсаулық сақтау жүйесінде оның тәжірибесі қолданылады деп ойлаймын", - деп жауап берді Ақмарал Әлназарова.
Журналистер бұрынғы ДСМ басшысы қандай лауазымда атқаруы мүмкін деп нақтылады.
"Конкурстық негізде болады. Қазір нақты бір ұйым туралы айту қиын", - деді ол.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
