Әлеуметтік желілерде бұрынғы министрдің телефон арқылы сұхбатта қарулы қақтығысқа қатысуға ниет білдірді деген ақпарат тараған болатын.
"Ойдан шығарылған осындай мәліметтерді оқығым да келмейді. Егер де қандай да бір күмәнді Telegram арналары жалған мәлімет жазса, олар ең алдымен өздеріне зиян тигізеді. Сондықтан да отандастарымызға мұндай жалған сайттар мен арналарға уақытын шығындамауға кеңес берер едім. Соңғы уақытта ешқандай сұхбат бермегенімді, ешқандай мәлімдеме жасамағанымды сеніммен айта аламын", – деді ол.
Бұдан бөлек Нұрлан Ермекбаев Кеңес одағы кезінде ұрыс аймағына барып, қаза тапқандар мен жараланғандарды көргенін айтты.
"Егер Отанымызға әскери қауіп төнген жағдайда ғана отандастарымды соғысқа баруға шақыруым мүмкін. Ал бұл мәселедегі ұстанымым біздің сыртқы саяси ведомствоның ұстанымымен сәйкес келеді", – деді бұрынғы министр.
