ЭКСПО-2017 алаңында "Lautten Compagney" берлиндік оркестр мен сырнайшы Морис Штегер өнер көрсетеді, деп хабарлайды "Астана ЭКСПО-2017" АҚ баспасөз қызметі.
"Lautten compagney" оркестрі – Германияның үздік музыкалық ұжымдарының бірі. Оркестр ірі концерт алаңдарында өнер көрсетеді және гастрольде жүреді.
The Independent анықтамасына сүйенсек, швейцариялық Морис Штегер "әлемнің үздік сырнайшысы" деп танылды. Бүгінде Штегер Цюрих камералық оркестрі, Франкфурт симфониялық оркестрі, Берлин филармониясының оркестрі сынды әлемнің жетекші оркестрімен өнер көрсетеді.
Ұлттық компаниядан хабарлағандай, концерт 2017 жылдың 30 маусымында өтеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
