ЭКСПО-2017 аясында Еуропалық Одақ күндері өтеді. Бұл туралы ҚР-ның Бельгия Корольдігі мен Люксембург Ұлы Герцогтігіндегі Төтенше және Өкілетті елшісі Алмаз Хамзаев қатысқан ҚР СІМ-дегі брифингте белгілі болды, деп хабарлайды strategy2050.kz.
Алмаз Хамзаев атап өткендей, елордада дүниежүзілік көрме аясында Еуропалық одақтың бірқатар шаралары ұйымдастырылды. Атап айтсақ, Еуропалық Одақ елдерінің павильоны негізінде Еуропа күнін өткізу жоспарлануда.
"ЭКСПО-2017 көрмесіне Бельгия өңірлерін тарту бойынша үлкен жұмыс атқарылды. Фландрия Лимбурск сауда-өнеркәсіп палатасының 30 адамдық құрамында таныстырылатын болады. Оны басқаратын Инновация және спорт, жұмыспен қамту, экономика министрі Ф.Муйтерс", - деді елші.
Өз кезегінде Люксембург 10 ақпанда көрмеге қатысу туралы шешім қабылдаған болатын.
"Көрмеге кәсіпкерлер Люксембург сауда-өнеркәсіптік палатасының басшысы Люксембург Прембер-Министрі Ксавье Беттельдің сапары аясында қатысады", - деді А.Замзаев.
