NewEnergy энергетика саласындағы дүниежүзілік стартап байқауының халықаралық қазылар алқасы жеңімпаздарды марапаттады, сондай-ақ ЭКСПО-2017 халықаралық көрмесінде таныстырылатын баламалы энергетика және "жасыл" экономика саласындағы 30 үздік стартап-компанияны таңдады,деп хабарлайды 7kun.kz.
Таңдалған жобалардың көбісі Израильге тиесілі, атап айтқанда ЭКСПО-2017-де энергетика саласындағы өз әзірлемелерін Eco Wave Power, Farm Dog, GreenQ, HomeBiogas, Tevva Motors Ltd, Unleash the light компаниялары ұсынады.
Жеңімпаздардың қатарына жоғары технологиялық энергия шоғырландырушы жүйелерді шығаратын еліміздің Primus Power компаниясы да кірді. Сонымен қатар, жеңімпаздардың қатарына Ұлыбританияның (Kelda Technology, DAJIE), Үндістанның (Promethean Energy Pvt. Ltd., REConnect Energy Solutions Pvt. Ltd.) және АҚШ-тың (Volta, Inficold Inc.), Аустралияның (Lightwork), Германияның (Breeze), Испанияның (ezzingSolar), Нидерландының (Sympower), Польшаның (Lerta), Ресейдің (WiseSoil), Украинаның (Ecoisme) және өзге де елдердің компаниялары кірді. Барлығы 20-дан асады.
Бұдан өзге, өз еліміздің (Smart Slip, Primus Power), Израильдің, АҚШ пен Ресейдің алты компаниясы инвесторлардың қаржылық қолдауына ие болды, соның ішінде өз стартапын дамыту үшін бизнес-менеджмент курсынан өтуге сертификат табысталды.
