Эквадор президенттігіне үміткер 59 жастағы Фернандо Вильявисенсио сайлау алдындағы митингтен кейін өлтірілді. Бұл туралы эквадорлық El Universo газеті хабарлады, деп жазады inbusiness.kz.
Сайлау митингі Кито қаласындағы мектепте өткен. Іс-шара аяқталып, Фернандо Вильявисенсио мектеп ғимаратынан шыққан кезде басына үш рет оқ атылды. Ол оқиға орнында көз жұмды.
Ecuavisa басылымының мәліметінше, саясаткерге үш адам оқ атқан. Бүгінгі таңда екі күдікті ұсталды.
Фернандо Вильявисенсио бұрын журналист болған, ол өзінің кәсіптік мансабын El Universo газетінде бастады. Ел президенттігіне үміткер саясатқа 2013 жылы келді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
