DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 324,92 Brent 36,55
Эквадорда коронавирус құрбандары «бауырластар зиратына» жерленеді

Эквадорда коронавирус құрбандары «бауырластар зиратына» жерленеді

Елдегі науқастардың саны 1600-ден асқан.

30 Наурыз 2020 10:58 127

Эквадорда коронавирус құрбандары «бауырластар зиратына» жерленеді

Науқастар ең көп тіркелген елдегі Гуаякиль қаласында індеттен қаза тапқандар «бауырластар» зиратында жерленеді. Бұл туралы жергілікті билік өкілдері хабарлады.

Қала әкімшілігінің өкілі Густаво Суньганың айтуынша, мәселені шешу үшін шаһар маңынан 300 мәйітке арналған жер бөлінетін болады.

Айта кетейік, Эквадордағы науқастардың 71 пайызы осы қаланың тұрғындары. Бұған дейін елдің Ішкі істер министрі Мария Паула Рома соңғы үш күнде шаһардан 100-ге тарта мәйіт шығарылғанын мәлімдеді. Бірақ олардың барлығы коронивирустен көз жұмғандар еместігін айтқан еді.

Ресми дерек бойынша, елдегі аурулардың саны 1627-ге жеткен, оның 41-і ажал құшқан.

«Бауырластар зираты», – бір уақытта жаппай қайтыс болғандарды (соғыс, эпидемия, ашаршылық, табиғи апат) бірге жер қойнына тапсыру. Марқұмдарды ақтық сапарға барлық рәсімімен шығарып салып, жеке жерлеуге мүмкіндік болмаған жағдайда осындай зираттарға көміледі.

Табиғат Нұрболат

inbusiness.kz-ті қараңыз, оқыңыз :

Коронавирус: G20 саммитінің қорытындысы

26 наурызда G20 елдері басшыларының саммиті алғаш рет видео конференция форматында өтті.

27 Наурыз 2020 10:20 185

Коронавирус: G20 саммитінің қорытындысы

Тараптар коронавируспен күрестегі бірлескен әрекеттер мен пандемияның экономикалық салдарын талқылады. 

Олар мынадай келісімге келді:
- Коронавирус пандемиясымен бірлесе күрес жүргізу;
- Індет салдарымен күреске 5 трлн доллар бөлу;
- Халықаралық сауданың тұрақты және еркін жүргізілуін қамтамасыз ету үшін бірлесе жұмыс атқару;
- Дүниежүзілік денсаулық сақтау ұйымы, БҰҰ және Халықаралық валюта қорымен бірлесе індетке қарсы күрес жүргізу;
- ДДҰ-на қаржылай көмек көрсету;
- Коронавирус пандемиясы кезінде ДДҰ-ның өкілеттігін кеңейту;

Сонымен қатар G20 елдері Халықаралық валюта қоры мен Дүниежүзілік банкті пандемия салдарына қатысты мәліметтермен бөлісуін сұрап, Халықаралық еңбекті ұйымдастыру және экономикалық ынтымақтастық пен даму Ұйымына пандемияның жұмыс орындарына қалай әсер етіп жатқанын қадағалауды тапсырды.

Табиғат Нұрболат

Үндістан экономикасын ынталандыру үшін 22,6 млрд доллар бөледі

Биліктің мұндай шешімді қабылдауына пандемия түрткі болып отыр.

26 Наурыз 2020 17:38 181

Үндістан экономикасын ынталандыру үшін 22,6 млрд доллар бөледі

Үндістан үкіметі коронавирус пандемиясынан зардап шеккендерге 22,6 млрд доллар шығындамақ. Елдің қаржы министрінің айтуынша, одан бөлек азық-түлік мәселесі де қарастырылатын болды. 

Алдағы үш айда билік жағдайы төмен тұрғындарды тегін газбен қамтамасыз етіп, медициналық қызметкерлерге 5 миллион рупий көлемінде сақтандыру төлемін үлестірмек.

Айта кететін жайт, Үндістанда 25 наурыздан бастап қатаң оқшаулану режимі енгізілген. 21 күн бойы барлық өңірлер арасындағы шекаралар жабық болады. Барлық тұрғындар үйлерінен шықпауы тиіс, яғни коменданттық сағат жарияланды. 

Соңғы ресми мәліметке сүйенсек, елдегі науқастардың саны 649-ға жеткен, 13 адам індеттен қайтыс болған.

Табиғат Нұрболат

Жаңалықтарға жазылу: