"Бұл бір партиядан алынған есірткінің өзі 200 мың дозаға жетерлік", - дейді полицейлер.
Қара базардағы құны – 14 млн теңге.
Қылмыстық топ есірткі саудасына қаңтар айынан бастап кіріскен. Олар Жамбыл, Қостанай облыстары мен Нұр-Сұлтан қаласына гашиш, марихуана тасымалдап, сатқан.
8 адамнан құралған топтың ұйымдастырушысы – Қостанай облысы Денисов ауданының 51 жастағы тұрғыны. Ол ветеринарлық дәрігер болып істейді. Есірткіні өткізуге өзінің 5 жерлесін тартыпты. Ал Шу ауданының 67 жасар тұрғыны, зейнеткер жеткізуші міндетін атқарған. Олар бұрын-соңды ешқандай, тіпті әкімшілік жауапкершілікке де тартылмаған. Енді қылмыстары дәлелденсе 15-тен 20 жылға дейін немесе өмір бойы бас бостандығынан айырылуы мүмкін.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
