Мәжілістің жалпы отырысында депутаттар одан Қазақстан бітімгерлерінің қауіпсіздігі жөнінде сұраған еді, деп жазады inbusiness.kz сайты.
Өз кезегінде Шайх-Хасан Жазықбаев 2024 жылдың аяғында болған шиеленісте Қазақстанның бітімгерлік ротасы қақтығысты тоқтатуға қатыспағанын жеткізді.
– Меморандум аясында тек бітімгерлік миссия бойынша азаматтық персоналды Дамаск қаласына эвакуциямен айналысты. Сондай-ақ, басқа елдердің бітімгерлерін базаға көшіруге қатысты. Өтемақыға тоқталсақ, еліміздің заңдарымен бекітілген талап бойынша әрбір топ мүгедектігіне 6-дан 30 айлық төлемақыға дейін белгіленген. Қаза тапқан жағдайда 60 айлық мөлшерде төленеді. Ал БҰҰ жағынан 77 мың АҚШ долларына дейін төлемақы бекітілген, – деді ол.
Еске салайық, мәжілістің жалпы отырысында депутаттар Таяу Шығыстағы соңғы оқиғалар аясында және Голан биігіндегі жағдайға байланысты Қазақстан бітімгерлерінің қауіпсіздігі жөнінде сұраған болатын.
