Баннер втб
RU KZ
Елбасы Алматыда Нұрсұлтан Назарбаев даңғылын аралап көрді

Елбасы Алматыда Нұрсұлтан Назарбаев даңғылын аралап көрді

04 Қыркүйек 2018 14:08 810

Елбасы Алматыда Нұрсұлтан Назарбаев даңғылын аралап көрді
Абай және Нұрсұлтан Назарбаев көшелерінің инфрақұрылымы жаяу жүргіншілер мен велосипедшілер үшін қайта жасақталған еді.

Елбасы Алматы қаласының қайта жөнделген көшелерін аралап көрді, деп хабарлайды Ақорданың баспасөз қызметі.

Қазақстан президенті Алматы қаласына жұмыс сапары барысында жаяу жүргіншілер мен велосипедшілер үшін инфрақұрылымы қайта жасақталған Абай және Нұрсұлтан Назарбаев даңғылдарын аралап көрді.

Қала әкімі Бауыржан Байбек мемлекет басшысына шаһар тіршілігін сәулет-құрылыс жүргізу тұрғысынан реттеу үшін пилоттық режімде енгізілген жаңа дизайын-код әдісі жөнінде мәлімдеді. Бұл әдіс мегаполистің бірыңғай стилін қалыптастыруға арналған әрі бір құжатта нақтыланған ережелер мен ұсынымдарды айқындайды.

Сонымен қатар, Нұрсұлтан Назарбаев жалпы ұзындығы 8,7 шақырымды қамтитын Тимирязев және Жандосов көшелерінің бойымен тартылған BRT көше-жол желісімен танысты.