Елбасы бірқатар кездесу өткізді

620

Елбасы АҚШ-Ресей қатынастарының сарапшысы ретінде Дмитрий Саймстың "Астана клубының" жұмысына қатысуының маңыздылығын атап өтті.  

Елбасы бірқатар кездесу өткізді

Елбасы Ұлттық мүдделер орталығының президенті, "The National Interest" журналының баспагері Дмитрий Саймспен кездесті, деп хабарлайды elbasy.kz сайты.

Кездесу барысында тараптар жаһандық күн тәртібіне қатысты пікір алмасты, сондай-ақ әлемнің жетекші державалары арасындағы диалогты жолға қою жөніндегі шараларды талқылады.

Сондай-ақ, Нұрсұлтан Назарбаев Еуропалық Комиссияның бұрынғы төрағасы Жозе Мануэль Баррозумен кездесті.

Кездесу барысында Елбасы Жозе Мануэль Баррозуға "Астана клубының" жұмысына қатысқаны үшін алғысын білдірді.

"Біздің достығымыз бұрыннан бері жалғасуда. Сіздің Еуропалық Комиссияға төрағалығыңыз кезінде біз кеңейтілген серіктестік туралы келісімге қол қойдық. Өзіңізге белгілі, мен Еуразиялық экономикалық одақтың құрметті төрағасымын. Енді біздің ұйымымыз бен Еуропалық Одақ арасындағы ынтымақтастықты жолға қою маңызды", – деді Қазақстанның Тұңғыш Президенті.

Өз кезегінде Жозе Маннуэль Баррозу Қазақстанның Еуропа елдерімен серіктестігін қол жеткізілген келісім аясында одан әрі кеңейтудің маңыздылығын атап өтті.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу