Қарағанды облысы "Қазақ еліне мың алғыс" атты 14 метрлік монументі бар жаңа "Ұлытау" аллеясын Астанаға сыйға тартты, деп хабарлайды 24.kz.
Мемлекет басшысы Нұрсұлтан Назарбаев осы аллеяға барып аралады.
Монументте 3 баланы бауырына басқан қазақ әйелінің мүсіні бейнеленген. Оның символикалық мағынасы терең. Репрессия жылдарында түрлі ұлт өкілдерін бауырына басқан қазақ халқын бейнелейді. Сондай-ақ аллеядан Ұлытаудың ең басты құндылықтары қойылған. Тіпті Алтын шоқы дөңінің басынан табылған Әмір Темірдің жазуы басылған тастың көшірмесіне дейін бар. Сондай-ақ Теректі Әулие мен Байқоңырдың петроглифтерін де көруге болады. Тастардағы жазулар сол кездегі тарихтан сыр шертеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
