DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 286,33 Brent 36,55
Елбасы Қытайдан қорқудың қажеті жоқ екенін айтты

Елбасы Қытайдан қорқудың қажеті жоқ екенін айтты

ҚР Тұңғыш Президенті Қытаймен бірлескен жобалар елдің экономикалық мүддесіне қызмет ететінін ескертті.  

12 Қазан 2019 15:26 453

Елбасы Қытайдан қорқудың қажеті жоқ екенін айтты

Нұрсұлтан Назарбаев өзара өндірістердің құрылыстары біткеннен кейін қытайлық азаматтардың ешқайсы Қазақстанда қалмайтынын айтты,  деп хабарлайды Интерфакс-Казахстан.

"Қытай бізді жаулап алады деген әңгімелерді естіп жүрмін. Қайда, кімді жаулап алды? Қазақстан жерін вагонға салып, бір жаққа алып кете ме? Қытай билігімен келісімім бар, бірге өнеркәсіптер салған кезде үкімет қанша маманның келетінін көрсетіп қол қояды – құрылыс біткен соң олар кетеді. Кезінде төраға Ху Цзиньтао маған былай деген: "Егер кетпесе, айтыңыз, бәрін кері алып кетеміз", – деді Назарбаев "Хабар" телеарнасына. 

 "Сондықтан қандай да бір қорқыныш қажет емес. (...) Біз өзімізге қажет ең озық кәсіпорындарды алып келеміз. Ал бізге мұндай инвестициялар кім береді? Бүгінде мұндай ақша тек Қытай ғана бар. Барлық ел осыны пайдаланғысы келеді", – деп толықтырды ол.

Нұрсұлтан Назарбаев "Қытайдың барлық басшыларымен ең жақсы қарым-қатынас" қалыптасқанын атап өтті.

inbusiness.kz-ті қараңыз, оқыңыз :

Өнеркәсіп саласында артта қалған өңірлер аталды

Өнеркәсіп саласындағы жоғарғы өсім Шығыс Қазақстан, Атырау, Қостанай облыстарында, сондай-ақ Астана қаласында қалыптасқан.

12 Наурыз 2019 13:32 742

Өнеркәсіп саласында артта қалған өңірлер аталды

Қарағанды, Қызылорда, Батыс Қазақстан және Маңғыстау облысы өнеркәсіп саласында артта қалуда. Бұл туралы үкіметтің бүгінгі отырысында ұлттық экономика министрі Руслан Дәленов айтты, деп хабарлайды inbusiness.kz.

Бұл өңірлерде мұнай, газ конденсаты, жалпақ илем және қоспасыз болат өндіру төмендеген. Ал өнеркәсіп саласындағы жоғарғы өсім Шығыс Қазақстан, Атырау, Қостанай облыстарында, сондай-ақ Астана қаласында қалыптасқан.

Ауыл шаруашылығы саласында жоғары өсімді әдеттегідей Ақмола облысы көрсетіп отыр. Құрылыста Түркістан облысы көш бастады. Ал Астана мен Шымкент қалалары, Ақмола, Павлодар, Шығыс Қазақстан, Қызылорда, Солтүстік Қазақстан және Маңғыстау облыстары артта қалған.

Негізгі капиталға инвестициялар тартуда Шымкент және Астана қалалары айтарлықтай шабандық танытса, Қызылорда облысы алда тұр. Бұдан бөлек, инвестициялардың өсімі Қарағанды, Түркістан және Қостанай  облыстарында да байқалған.

Министрдің айтуынша екі айда ел экономикасының өсімі 3,5 пайызды құраған. Өсім негізінен тауарлар өндірісінің ұлғаюымен, қызмет көрсету секторындағы өсіммен байланысты.

Тікелей инвестициялар қорын құруға Ұлттық қордан нысаналы трансферт қарастырылған

Нысаналы трансферт 370 млрд теңге мөлшерінде. 

12 Наурыз 2019 10:22 323

Тікелей инвестициялар қорын құруға Ұлттық қордан нысаналы трансферт қарастырылған

2019 жылы республикалық бюджет кірісі 200 млрд теңгеге жоғары болмақ. Бұл туралы бүгін үкімет отырысында ҚР Ұлттық экономика министрі Руслан Дәленов айтты, деп хабарлайды ҚазАқпарат.

Оның дерегінше, республикалық бюджеттің кірістері 2019 жылы 7 трлн теңге көлемінде бағаланады. Бұл бекітілген жоспардан 200,4 млрд теңгеге жоғары. Негізгі өсім қосылған құн салығы бойынша, шикі мұнайға салынатын экспорттық кедендік баж бойынша, сондай-ақ салықтық емес түсімдер бойынша күтілуде.

«Жаңа бастамаларды қаржыландыру үшін келесі өзгерістер ұсынылады: Ұлттық қордан кепілдендірілген трансфертті 250 млрд теңгеге ұлғайтып, 2 700 млрд теңгеге дейін жеткізу; тапшылықты жалпы ішкі өнімге қарағанда 1,5 пайыздан 2,1 пайызға дейін ұлғайту. Сондай-ақ Тікелей инвестициялар қорын құру үшін Ұлттық қордан 370 млрд теңге мөлшерінде нысаналы трансферт қарастырылған. Бұл ретте, түсімдер мен пайдалануды ескергенде Ұлттық қордың таза түсімдері оң нәтижеде болады», ­– деді ол.

Министрдің дерегінше, мұнай емес тапшылықтың деңгейі 2019 жылы жалпы ішкі өнімнің 8,4 пайызынан аспайды. Республикалық бюджеттің шығыстары бекітілген көлемге қарағанда 1,2 трлн теңгеге ұлғая отырып, 11,9 трлн теңге көлемінде болжанады.

Жаңалықтарға жазылу: