Елбасы металлургтерді кәсіби мерекесімен құттықтады

672

Қазақстанның тұңғыш Президенті өз құттықтауында металлургия ұлттық экономиканың басты саласының бірі екенін, мұнда өз ісіне шын берілген, қажыр-қайраты мол, жауапкершілігі жоғары мамандар еңбек ететінін жеткізді. 

Елбасы металлургтерді кәсіби мерекесімен құттықтады

Елбасы Нұрсұлтан Назарбаев металлургтерді кәсіби мерекемен құттықтады, деп хабарлайды inbusiness.kz порталы Elbasy.kz-ке сілтеме жасап.

"Бұл – адамның мінезі мен ерік-жігері шыңдалатын, мақсатқа жету жолындағы табандылығы мен қайсарлығы қалыптасатын жер.Кезінде өзім де осы өмір мектебінен өтіп, бай тәжірибе жинағанымды мақтан тұтамын. Кейінгі қызмет жолымда оның пайдасы тиді", – деп жазды Нұрсұлтан Назарбаев.

Ол металлургия саласындағы мамандардың еңбексүйгіштігі, қайсарлығы және табандылығы зор құрмет пен шынайы алғысқа лайық деген пікірде.

Сонымен қатар Елбасы металлургтер Қазақстанның экономикалық әл-ауқатының артуына сүбелі үлес қосып келе жатқанын атап өтіп, оларға мол табыс, зор денсаулық, бақ-береке тіледі.  

Айта кетейік, Қазақстанда Металлург күні жыл сайын шілденің үшінші жексенбісінде атап өтіледі.

 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу