/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,60 Brent 36,55
Елбасы Нұр-Сұлтан мен Алматыда екі медициналық орталық салуды тапсырды

Елбасы Нұр-Сұлтан мен Алматыда екі медициналық орталық салуды тапсырды

Нұрсұлтан Назарбаев «Самұрық-Қазына» ұлттық әл-ауқат қоры» акционерлік қоғамы басқармасының төрағасы Ахметжан Есімовті қабылдады.  

14 Шілде 2020 18:18 313

Елбасы Нұр-Сұлтан мен Алматыда екі медициналық орталық салуды тапсырды

Кездесу барысында Елбасы қазіргі экономикалық дағдарыстың Қордың барлық компанияларына әсер еткенін атап өтті, деп хабарлайды Elbasy.kz

А.Есімовтің мәліметі бойынша, Қордың компаниялар тобы қызметкерлердің қысқаруына жол берген жоқ, барлық кәсіпорын жұмысын жалғастыруда. Сонымен қатар «Самұрық-Қазына» ұлттық әл-ауқат қоры» акционерлік қоғамы басқармасының төрағасы отандық денсаулық сақтау жүйесін қолдау бойынша жүргізіліп жатқан жұмыстар туралы баяндады.

Қазақстанның Тұңғыш Президенті «Самұрық-Қазына» акционерлік қоғамының коронавирус пандемиясына қарсы күреске барынша атсалысу қажеттігін атап өтті.

«Қорды басқару жөніндегі кеңестің төрағасы ретінде «Самұрық-Қазынаның» ішкі резервтерінен ірі мегаполистерде – Нұр-Сұлтан және Алматы қалаларында екі медициналық орталықтың құрылысына қаражат бөлуді тапсырамын. Медициналық орталықтардың жұмысы ғылыми-зерттеу әлеуетін күшейтуге бағытталады. Бұл қадам келер ұрпақты ықтимал қатерлерден сақтап қалуға мүмкіндік береді. Үкімет пен әкімдер бұл бастаманы қолдайды деген сенімдемін», – деді Нұрсұлтан Назарбаев. Кездесу соңында Қазақстанның Тұңғыш Президенті коронавирус індетінен қайтыс болғандардың отбасыларына тағы да көңіл айтып, қазақстандықтарды барлық қажетті қауіпсіздік шараларын қатаң сақтауға шақырды.

Сәуле Қисықова жаңа қызметке тағайындалды

Сәуле Қисықова 1963 жылы 22 шілдеде дүниеге келген.  

15 Шілде 2020 19:03 145

Сәуле Қисықова жаңа қызметке тағайындалды

Нұр-Сұлтан қалалық қоғамдық денсаулық сақтау басқармасының басшысы болған Сәуле Қисықова жаңа қызметке тағайындалды, деп хабарлайды inbusiness.kz.

Сәуле Қисықованың қызметінен кеткенін бұған дейін Нұр-Сұлтан қалалық қоғамдық денсаулық сақтау басқармасы растаған болатын.

«Оның міндетін уақытша Әлия Рүстемова атқарады», – деп хабарлады басқарманың баспасөз қызметінен.

Ал Нұр-Сұлтан қаласының әкімдігінің баспасөз қызметі жаңа ғана Сәуле Қисықованың Қазақстан Республикасы Президенті Іс басқармасы Медициналық орталығының басшысы қызметіне тағайындалғанын жариялады.

Айта кетсек, Сәуле Қисықова Нұр-Сұлтан қалалық қоғамдық денсаулық сақтау басқармасына тура үш жыл жетекшілік еткен. Басқарма басшылығына 2019 жылдың тамыз айында тағайындалған.

Алматы мемлекеттік медицина институтының түлегі. Медицина ғылымдарының докторы, іскерлік әкімшілік магистрі.

Еңбек жолын 1987 жылы Алматы облысының Орталық аудандық ауруханасында бастаған.

1994 жылға дейін сонда дәрігер-терапевт болып жұмыс істеді. 1994 жылдан 2004 жылға дейін Алматы қаласындағы №8 қалалық емхананың емдеу-профилактикалық және ақылы бөлімінің меңгерушісі болды. Ал 2004-2007 жылдар аралығында Алматы қаласындағы «Қазақстан Республикасы Президентінің Іс басқармасы Медициналық орталығының орталық клиникалық ауруханасы» РМК отбасылық медициналық кешендер қауымдастығының жетекшісі болып еңбек етті.

2007-2012 жылдары Алматы қаласындағы ҚР Президенті Іс Басқармасының Медициналық орталығының клиникалық ауруханасының ұйымдастырушылық және экономикалық мәселелер бойынша бас дәрігерінің орынбасары болды.

2012-2015 жылдары Нұр-Сұлтан қаласындағы «ҚР Президенті Іс Басқармасының Медициналық орталығының Ауруханасы» РМК бас дәрігері болып еңбек етті.

2015-2017 жылдары Нұр-Сұлтан қаласындағы «ҚР Президенті Іс Басқармасының Медициналық орталығының Ауруханасы» РМК басшысының бірінші орынбасары қызметін атқарды.

2017-2019 жылдар аралығында Ақмола облысының денсаулық сақтау басқармасын басқарды.

Алматыда Астана күніне орай жаңа медициналық орталық іске қосылады

 Олардың арасында жайлы, жоғары технологиялық «МИПО» ЖШС  медициналық орталығы бар.    

05 Шілде 2020 10:18 230

Алматыда Астана күніне орай жаңа медициналық орталық іске қосылады

Бүгінгі таңда эпидемиологиялық жағдайды тұрақтандыру мақсатында қала әкімшілігі тарапынан тұрғындарға жақын маңда орналасқан медициналық қызмет көрсету бойынша қарқынды жұмыстар жүргізілуде. «МИПО» медициналық орталығы 100 келушіге арналған, сонымен қатар оңалтуға арналған 40 орын бар. Орталықта 80 медицина қызметкері жұмыс істейді, олардың жұмыстарына қажетті жағдайлар жасалған.

Соңғы бес жылда Алматыдағы амбулаториялық-емханалық ұйымдардың жоспарлы даму қуаттылығы 7,4% артты. Сонымен бірге, қала халқы осы мерзім ішінде 13% -ға өсті. Жақын маңдағы медициналық мекемелердің көмегіне қол жетімділікті қамтамасыз ету үшін географиялық ақпараттық жүйе жасалып, енгізілген. Алынған мәліметтер негізінде дәрігерлік амбулаторияларды ашу қажеттілігі бар жерлер анықталды. 2019 жылдан 2021 жылға дейін 35 дәрігерлік амбулатория ашу жоспары жасалды. 2019 жылы 11 дәрігерлік амбулатория ашылды (1-уі жергілікті бюджет есебінен салынды).

Сондай-ақ, «Жаңа Алматы» кешенді жоспары аясында алдағы 5 жыл ішінде 1 миллионнан астам тұрғынға арналып жақын маңда қолжетімді болатын  қосымша 19 медициналық нысан салынады.