Елбасы төрағалықты Қырғызстанға тапсырды

1029

Бүгін Қырғызстанның Шолпан-Ата қаласында Түркі тілдес мемлекеттер басшыларының VI саммиті басталды. Саммитке Қазақстан, Қырғызстан, Түркия, Әзірбайжан басшылары қатысып жатыр

Елбасы төрағалықты Қырғызстанға тапсырды Фото: kyrtag.kg

ҚР президенті Нұрсұлтан Назарбаев Түркі тілдес мемлекеттердің ынтымақтастық кеңесінде төрағалықты Қырғызстанға тапсырды, деп хабарлайды КирТАГ.

"Мен Түркі тілдес мемлекеттердің ынтымақтастық кеңесіне төрағалықты Қырғызстанға тапсыратыныма қуаныштымын. Сәттілік пен жемісті еңбек тілеймін", - деді Назарбаев  Шолпан-Ата қаласындағы саммиттің ашылуында.

Өз кезегінде Сооронбай Жээнбеков Қазақстанның Кеңеске төрағалық еткен уақытындағы табысты еңбегіне алғыс білдірді.

Бүгін Қырғызстанның Шолпан-Ата қаласында Түркі тілдес мемлекеттер басшыларының VI саммиті басталды. Саммитке Қазақстан, Қырғызстан, Түркия, Әзірбайжан басшылары қатысып жатыр. Жиынның құрметті қонағы ретінде Өзбекстан басшысы Шавкат Мирзиеев пен Мажарстан премьер-министрі Виктор Орбан қатысуда.

Түркі кеңесі 2009 жылы 3 қазанда құрылған еді.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу