/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,47 Brent 36,55
Елбасы Жақсылық Үшкемпіровтің жақындарына көңіл айтты

Елбасы Жақсылық Үшкемпіровтің жақындарына көңіл айтты

Бүгін Олимпиада чемпионы Жақсылық Үшкемпіров қайтыс болды.  

02 Тамыз 2020 18:19 129

Елбасы Жақсылық Үшкемпіровтің жақындарына көңіл айтты

Елбасы даңқты спортшы, Олимпиада чемпионы, Қазақстанның Еңбек Ері Жақсылық Үшкемпіровтің қайтыс болуына байланысты туған-туыстары мен жақындарына көңіл айту жеделхатын жолдады, деп хабарайды elbasy.kz сайты.

Нұрсұлтан Назарбаев Ж.Үшкемпіровтің өмірдегі әрбір қадамы мен атқарған істері өзінің есіміне сай, жан-жағына тек жақсылық пен ізгіліктің шуағын шашып жүретін, халқымыздың шынайы мақтанышына айналған ұлы перзенттерінің бірі болғанын атап өтті.

«Ол грек-рим күресі бойынша қазаққа алғашқы болып әлемнің ең басты атағын сыйлады. Кәсіпкерлікпен де табысты айналысып, ел экономикасының өркендеуіне лайықты үлесін қоса білді. Қайырымдылық іс-шараларға белсене атсалысып, кәсіпкерлік тәжірибесін өзгелермен бөлісіп, жақсы үлгі мен өнеге көрсетті. Мен онымен өткізген кездесулерімді әркез ризашылықпен еске аламын. Отандастарымыз да оның есімі мен еңбегін ұмытпайды деп сенемін», - делінген жеделхатта.

 

Кубаның Олимпиада чемпиондары қазақ боксшыларымен жаттығып жатыр

Бокстан Қазақстан ұлттық құрамасы Алматыдағы АІВА академиясының базасында бірлескен оқу-жаттығу жиындарын өткізуде.  

10 Қаңтар 2020 20:56 444

Кубаның Олимпиада чемпиондары қазақ боксшыларымен жаттығып жатыр

Жиынға Жапония, Куба, Венгрия командалары да қатысуда деп хабарлайды Olympic.kz. 

Ұлттық команданың бас бапкері Ғалымбек Кенжебаевтың айтуынша, жиынға Куба құрамасы бірінші нөмірлі боксшыларын түгел алып келген. 

«Алматыдағы бірлескен жаттығу жиынына Куба құрамасы Олимпиада чемпиондарын алып келді. Атап айтар болсақ, төрт дүркін әлем чемпионы әрі Рио Олимпиадасының жеңімпазы Хулио Сезар Ла Круз, Олимпиада чемпоны Раньель Иглесиас Сотолонго, Арлен Лопес, екі дүркін әлем чемпионы Энди Крус және үш дүркін әлем чемпионы Лазаро Альварес Эстрада бар. 

Сондай-ақ, Жапония командасының құрамында Азия чемпионатының күміс жүлдегері  Сэвондрэц Окадзава мен халықаралық турнир жеңімпаздары бар. Венгрия құрамасы Еуропа чемпионатының жүлдегерлерін алып келді. Ал біздің команда толық құраммен қатысуда», – дейді бас бапкер. 
 

Алматыда жеңіл атлетикадан республикалық турнир өтті

Жеңімпаздар мен жүлдегерлерді Олимпиада чемпионы Ольга Шишигинаның өзі арнайы марапаттады.    

23 Желтоқсан 2019 18:45 423

Алматыда жеңіл атлетикадан республикалық турнир өтті

Алматыдағы республикалық спорт колледжінің жеңіл атлетика манежінде Олимпиада чемпионы Ольга Шишигинаның жүлдесіне арналған турнир өтті, деп хабарлайды Olympic.kz.

Жарысқа Алматы, Шымкент қалалары, Маңғыстау облысы, Жамбыл облысы, Павлодар облысы, Қарағады облысы мен Алматы облысынан барлығы 270 спортшы қатысты. Байрақты бәсекеде жасөспірімдер спорт мектептерінің, олимпиадалық резервтегі мамандандырылған балалар мен жасөспірімдер мектептерінің, Олимпиадалық резервті даярлау орталығы, спорт колледждері мен мектеп-интернаттарының студенттері, Қазақстан Республикасының жоғары оқу орындары мен колледждерінің спорт клубтарының мүшелері бақ сынасты.