/img/tv1.svg
RU KZ
Елбасы Жоғарғы Сот төрағасымен кездесті

Елбасы Жоғарғы Сот төрағасымен кездесті

Кездесу барысында сот жүйесінде реформаларды іске асыру аясында шараларды атқару барысы талқыланды.  

16 Қаңтар 2020 18:54 211

Елбасы Жоғарғы Сот төрағасымен кездесті

ҚР Тұңғыш Президенті – Елбасы Нұрсұлтан Назарбаев Жоғарғы Сот төрағасы Жақып Асановпен кездесті, деп хабарлайды Елбасының баспасөз қызметі.

Қазақстанның Тұңғыш Президенті мемлекеттік басқару жүйесінде соттар ерекше орында екенін айта келе, халықтың соттарға сенімін ары қарай арттыру бойынша жұмыстардың маңыздылығын атап өтті.

«Күн тәртібінде азаматтар құқықтарын қорғау мен сот жүйесіне халықтың сенімін арттыру тақырыптары үнемі өзекті болып қалады. Бұл бағытта елеулі жұмыстар атқарылды. Осы саланы дамыту тұрғысында «100 нақты қадам» Ұлт жоспарында айрықша көңіл бөлінген. Белгіленген мақсаттар орындалуда, көрсеткіштер жаман емес. Соттарға деген сенім артып келеді», – деді Елбасы.

 

Бахрейнде қазақстандық қыздарды саудаламақ болған қылмыстық топтың мүшелері ұсталды

Заңсыз топты Бахрейнде тұратын 39 жастағы ер адам басқарған. мүшелері ұсталды.  

01 Маусым 2020 21:54 469

Бахрейнде қазақстандық қыздарды саудаламақ болған қылмыстық топтың мүшелері ұсталды, деп хабарлайды Atameken Business.

Оған төрт қазақстандық әйел көмектескен. Тағы үш бахрейндік пен Үндістаннан келген бір ер адам болған. Жоғарғы соттың үкімімен барлық 9 адам айыпты деп танылды. Осылайша, адам саудасымен айналысқандар түрмеге қамалды. Олар адамдарды саудалап, сексуалды құлдықта ұстады деп айыпталды.

Сот 4 бахрейндік пен екі қазақстандық әйелді жеті жылға, Үндістаннан келген ер адамды үш айға, тағы екі қазақстандық әйелді екі айға бас бостандығынан айырды. Сондай-ақ, бахрейндік екі ер адамға және қазақстандық екі әйелге 2000 бахрейндік динар мөлшерінде айыппұл салынды. Бұдан бөлек, қылмыстық топ мүшелерінен 219 миллион теңге мөлшерінде ақша тәркіленгені айтылады. Олар ол ақшаны есірткі сатумен айналысқанда тапқан.

Төтенше жағдай режимі тоқтағаннан кейін соттардың жұмысы қалай өзгереді

Бұл туралы Facebook-тегі парақшасында Жоғарғы соттың баспасөз хатшысы Айдос Сәдуақасов мәлім етті.  

14 Мамыр 2020 20:38 594

Жоғарғы сот өңірлердегі соттарға төтенше жағдай режимі тоқтағаннан кейін жұмысты ұйымдастыру бойынша хат жолдады, деп хабарлайды inbusiness.kz.

Жергілікті соттарға жолданған хатта Мемлекеттік бас санитарлық дәрігердің 10 мамырда шыққан №36 қаулысы туралы, соның ішінде COVID-19 ауруынан ескерту бойынша шараларды күшейту, олардың жаппай таралуын болдырмау жайлы айтылады.

«Жоғарғы сот жергілікті соттардың COVID-19 індетін жұқтырмауы үшін қаулы ережелерін қатаң сақтауға, келушілер, соттар мен қызметкерлер үшін қауіпсіз жағдай жасауға шақырады. Сонымен бірге соттарға санитарлық-дезинфекциялық режимді күшейтуге, келушілердің дене қызуын тексеруге, COVID-19 ауруына ұқсас ауру белгілері бар адамдарды сот ғимаратына кіргізбеуге кеңес береді», – деп жазады Айдос Сәдуақасов.

Оның хабарлауынша сот өндірісі мен соттың жұмысына қатысы жоқ адамдарды сот ғимаратына кіргізуге әрі онда көптеп адам жиналуға қатысты қойылған тыйым күшінде қалады. Себебі сот процесіне тараптардың қатысуы COVID-19 қаупінің таралуын күшейтеді. Хатта Президенттің жұмысты қашықтан жүргізудің сәтті тәжірибесі, әрі оның тиімділігі, ІТ технологиялардың қажеттігі туралы 10 мамырдағы ТЖ бойынша мемлекеттік комиссия отырысында сөйлеген сөзі келтірілген.

«Жолға қойылған тәжірибені есепке ала отырып, соттар онлайн режимдегі жұмысын жалғастырады. Тек қылмыстық істер қаралған кездегі сот отырыстарында қажетті жағдайда тараптардың қатысуына рұқсат етіледі», –  дейді ол.

Айдос Сәдуақасов сонымен қатар істерге қатысты мемлекеттік органдарға да хат жолданғанын мәлім етті. Ол хаттарда сотқа материалдарды электронды форматта жіберуге болатыны жазылған. Шағымдар, өтініштер мен өзге де құжаттар «Сот кабинеті» арқылы жолданады. Ал қағаз жүзінде толтырылған әкімшілік құқыбұзушылық туралы хаттамалар мен материалдар сканерленіп, электронды форматта жіберіледі. Соттар мына жайға қатысты істерді жылдамырақ қарауды қамтамасыз етуге міндеттеледі:

–  айқындалмаған адамдар тобының, сонымен қатар әлеуметтік тұрғыда қорғалған азаматтардың, еңбек ұжымдарының мүддесін ескере отырып;

–  шектеу шараларына қатысты (каранин);  

–  бұйрықтық және қысқартылған өндіріс тәртібіндегі істерді;

–  айлық өтемақыны, алиментті, медициналық қызметкерлердің қатысуымен болған еңбек және өзге де дауларға қатысты талаптар бойынша істерді.