/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Елбасыны «даттаған» қарағандылыққа сот үкімі шықты

Елбасыны «даттаған» қарағандылыққа сот үкімі шықты

Нұрсұлтан Назарбаевтың ар-намысына тиетін сөздер айтқан Арман Хасенов кешірім сұрады.  

04 Маусым 2020 19:22 403

Елбасыны «даттаған» қарағандылыққа сот үкімі шықты

12 сәуірде  қарағандылық Арман Хасенов өз көлігінде отырып , ұялы телефонына бейне жазба түсірген. Ол Қазақстанда өмір сүрудің қиын екенін, әділдіктің жоқ екенін айтып күйінген. Сонымен қатар Арман  Хасенов елбасы Нұрсұлтан Назарбаевты қорлайтын сөздер айтып, ренішін білдірген еді. Бұл жазба әлеуметтік желіге тез тарап кеткен. Кейін көп ұзамай Арман Хасенов полицияның құрығына іліккен еді. Темір торға түскен соң қарағандылық жұрт алдында елбасыға тіл тигізгені үшін кешірім сұрады. Бүгінде Қазыбек би аудандық соты аталған азаматқа қатысты үкімін шығарды. Сот шешімімен ҚК 373 бабы 2 бөлігі бойынша Арман Хасеновтің  үш жылға бас бостандығы шектелді.

«Хасенов өз кінәсін толық мойындап, бұл қылығы үшін өкінетінін жеткізді. Сол себепті сот Хасеновті қоғамнан алшақтатпай - ақ оның түзелуіне мүмкіндік болады деген шешімге келді» – деп мәлімдеді судья Манат Жұмақаева.

Арайлым Еркебаева

Наталья Годунова елбасыға есеп берді

«Қаражат тек көзделген мақсатқа бөлінуге тиіс», – деді Қазақстан президенті.

19 Қыркүйек 2018 14:00 369

Наталья Годунова елбасыға есеп берді

Қазақстан президенті республикалық бюджеттің атқарылуын бақылау жөніндегі есеп комитетінің төрайымы Наталья Годунованы қабылдады, деп хабарлайды Ақорданың баспасөз қызметі.

Кездесу барысында мемлекет басшысына республикалық бюджеттің атқарылуын бақылау жөніндегі есеп комитетінің қазіргі қызметі және мемлекеттік бағдарламалардың аудиті, сондай-ақ өңірлердегі тексеру комиссияларына көрсетіліп жатқан әдістемелік қолдау жұмыстары туралы мәлімет берілді.

Нұрсұлтан Назарбаев бюджет қаржысын тиімді игеруді және оның қолды болуына жол бермеуді қамтамасыз ету ісіндегі есеп комитетінің маңызды рөлін атап өтті.

«Есеп комитеті – мемлекет қаржысының орынды игерілуін және бюджеттің атқарылуын тәуелсіз бағалауды қамтамасыз ететін маңызды орган. Қаражат тек көзделген мақсатқа бөлінуге тиіс», – деді Қазақстан президенті.

Наталья Годунова «100 нақты қадам» Ұлт жоспары аясында жүзеге асырылып жатқан мемлекеттік аудит жүйесін әлемдік стандарттарға сай жаңғыртудың барысы жөнінде баяндады.

«Қазіргі уақытта есеп комитеті өз жұмысында қаржыға қатысты құқық бұзушылық фактілерін анықтау тәжірибесінен гөрі тиімділікті бағалауға басты мән беріп отыр. Біз қаржылық құқық бұзушылыққа негіз болатын себептерді анықтау ісінде аудит нысандарына қолдау көрсетеміз және тиісті ұсынымдар береміз», – деді есеп комитетінің төрайымы.   

Сонымен қатар, Наталья Годунова Қазақстан президентіне мемлекеттік бағдарламалар мен мемлекеттік органдардың стратегиялық жоспарларына аудит жүргізу және республикалық бюджетті жоспарлау кезінде алдын ала бағалау жөнінде баяндады.

Кездесу соңында Қазақстан президенті бірқатар нақты тапсырма берді.

Назарбаев металлургия комбинатында бірге жұмыс істеген бұрынғы әріптестерімен жүздесті

 Қазақстан президенті өз замандастарымен әңгімелесті.

07 Қыркүйек 2018 16:03 792

Назарбаев металлургия комбинатында бірге жұмыс істеген бұрынғы әріптестерімен жүздесті

Жұмыс сапары барысында елбасы Теміртау қаласының мәдениет және демалыс саябағына «Рухани жаңғыру» бағдарламасы аясында жүргізілген қайта жөндеу жұмыстарының нәтижелерімен танысты, деп хабарлайды Ақорданың баспасөз қызметі.

Мемлекет басшысы бюджеттен тыс қаражат есебінен саябақ аумағында салынған нысандарды аралап көрді.

Сонымен қатар, Нұрсұлтан Назарбаев саябақта қаланың өткен ғасырдың 50-60 жылдардағы тарихын бейнелейтін театрландырылған қойылымды тамашалады.

Сондай-ақ, Қазақстан президенті өз замандастарымен және металлургия комбинатында бірге жұмыс істеген бұрынғы әріптестерімен жүздесіп, әңгімелесті.