АХҚО қаржы хабы ретінде әлемге танылуға дайын. Дәл қазір қаржы орталығының ашылу салтанаты өтіп жатыр, деп хабарлайды 24.kz.
Институттың салтанатты ашылу рәсіміне мемлекет басшысы Нұрсұлтан Назарбаев пен Әбу-Дабидің тақ мұрагері шейх Мұхаммед бен Заид Әл Наһаян қатысуда.
Атап өтейік, "Астана" халықаралық қаржы орталығы Дубайдағы қаржы ұйымдарымен әріптестік орнатқан. Сондай-ақ Шанхай, Лондон, Нью-Йорк, Токио, Сингапур сынды Батыс пен Шығыстағы барлық орталықтармен берік ынтымақтастыққа жол салды. Қазір 55 компания жұмыс істейтінін растаған. Ал жыл соңына дейін бұл тізім 100-ге жуықтауы мүмкін. Сондай-ақ орталық алдағы уақытта исламдық қаржыландыру нарығының дамуына ықпал етуді көздейді. Осылайша 2030 жылға дейін 30 млрд доллар көлемінде инвестиция тарту жоспарда бар.
