Бүгін 21:30-да отандық телеарналардан Нұрсұлтан Назарбаевтың сұхбатының толық нұсқасы көрсетіледі, деп хабарланды Ақорданың твиттердегі парақшасында.
Естеріңізде болсы, мемлекет басшысы отандық және халықаралық БАҚ өкілдерімен кездескен болатын. Жиынға қатысушылар "Қазақстанның үшінші жаңғыруы: жаһандық бәсекеге қабілеттілік" атты жолдауды іске асыру аясында ел экономикасын трансформациялау үдерісінің бірқатар аспектісін, сыбайлас жемқорлыққа қарсы күрес мәселелерін, қазіргі саяси жаңғыру кезеңінің ерекшеліктерін, БҰҰ Қауіпсіздік кеңесінің тұрақты емес мүшесі ретіндегі Қазақстанның сыртқы саяси басымдықтарын, сондай-ақ басқа да маңызды жайттарды талқылады.
Кездесуге "Қазақстан", "Хабар", "МИР" телеарналарының, "Айқын" газетінің, "Esquire" журналының, "ҚазАқпарат" ақпарат агенттігінің журналистері қатысты.
