/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Елде COVID-19 ауруының клиникалық белгілері жоқ вирус тасымалдаушылар бойынша статистика жасалмақ

Елде COVID-19 ауруының клиникалық белгілері жоқ вирус тасымалдаушылар бойынша статистика жасалмақ

Бұлай бөлудің мақсаты — симптоматикалық емдеуді қажет ететін науқастардың саны бойынша жағдайды көрсету. 

06 Маусым 2020 15:07 183

Елде COVID-19 ауруының клиникалық белгілері жоқ вирус тасымалдаушылар бойынша статистика жасалмақ

Денсаулық сақтау министрлігі COVID-19 ауруының клиникалық белгілері жоқ вирус тасымалдаушылар бойынша статистиканы жариялай бастайды. Бұл туралы министрлік Telegram парақшасында жариялады.

«Бұған дейін де Денсаулық сақтау министрлігі күн сайын коронавирус инфекциясын жұқтырған адамдар бойынша статистика жүргізіп келді. Аталған статистикада COVID-19 вирусын жұқтырған — ауру белгілері бар және клиникалық белгілері жоқ адамдар есепке алынды. Бүгіннен бастап барлық ресми дерек көздерінде коронавирус инфекциясы бойынша ауру белгілері бар және клиникалық белгілері жоқ вирус тасымалдаушылар бойынша статистика жеке-жеке жарияланады»,-делінген хабарламада.

Сонымен қатар онда мұндай тәсілдің халықаралық тәжірибеде және көп елдерде қолданылып келетіні айтылған.

Бұлай бөлудің мақсаты — симптоматикалық емдеуді қажет ететін науқастардың саны бойынша жағдайды көрсету.

«COVID-19 ауруының клиникалық белгілері жоқ адамдар айналасындағыларға елеулі эпидемиологиялық қауіп төндіреді. Бүгінгі таңда Қазақстанда тестілеу кезінде күн сайын анықталып жатқан жағдайлардың 60%-ға жуығы — бұл инфекцияны симптомсыз тасымалдаушылар екенін атап өткен жөн. Елімізде коронавирус инфекциясының таралуының алдын алу мақсатында COVID-19 ауруының клиникалық белгілері жоқ тасымалдаушыларды бақылау жалғаса бермек»,-деп жазды минстрлік.

Елімізде коронавирус жұқтырғандар саны 12 312-ге жетті

Ал қайтыс болғандар 52 адам.   

05 Маусым 2020 08:53 225

Елімізде коронавирус жұқтырғандар саны 12 312-ге жетті

Қазақстанда өткен тәулікте коронавирустық инфекцияның 255 жаңа оқиғасы тіркелді, аурулардың жалпы саны 12 мың 312-ге жетті, деп хабарлады COVID-19 таратпау жөніндегі ведомствоаралық комиссия жұма күні.

Өсім 2,0% -ды құрады, деп атап өтілген хабарламада.

Аймақтар бойынша алып қарайтын болсақ, Алматы қаласы - 49 (1,8%), Қарағанды облысы - 48 (4,7%), Нұр-Сұлтан қаласы - 35 (1,5%), Батыс Қазақстан облысы - 22 (2,9%), Шымкент қаласы - 15 (1,7%),  Алматы облысы - 11 (2,7%), Маңғыстау облысы - 11 (3,6%), Атырау облысы - 10 (0,9%), Шығыс Қазақстан облысы - 9 (5,7%), Жамбыл облысы - 7 (1,7%), Ақтөбе облысы - 6 (1,6%),  Ақмола облысы - 5 (3,0%), Павлодар облысы - 5 (2,2%), Түркістан облысы - 5 (1,3%), Қостанай облысы - 4 (2,1%), Қызылорда облысында  - 3 (0,7%).

Президент коронавирустың екінші толқынының алдын алу үшін карантиндік шараларды сақтауға шақырды

Қазақстанда коронавирустық инфекцияның екінші толқыны қаупі сақталып отыр, азаматтар карантиндік шараларды сақтаулары керек, деп жазды Президент Қасым-Жомарт Тоқаев Twitter-де.  

04 Маусым 2020 08:52 118

Президент коронавирустың екінші толқынының алдын алу үшін карантиндік шараларды сақтауға шақырды

«Үкіметтік комиссияның барлық іс-әрекетіне қарамастан індетке шалдыққан азаматтарымыз азаймай отыр. Коронавирустың екінші толқынының қаупі сейілмегенін ДДСҰ да растады.

Отандастарымызды жаппай ауруға шалдығудан қашып, індеттен қорғанудың жолдарын (арақашықтықты сақтау, дезинфекция, жеке тазалық, бетперде кию) ұстануға тағы да шақырамын», – деді  Президент.

Айта кетейік, соңғы мәлімет бойынша, елімізде коронавирус індетіне шалдыққандардың жалпы саны 12 067-ге жетті, 48 адам қайтыс болды.