"Соңғы 2 аптада 12 өңірде коронавируспен ауру 2,8 есе өсті. Соңғы аптада ауру Нұр-Сұлтанда 9,9 есе, Шымкентте 3,7 есе, Алматыда 2 есе артты", – деді министр.
Ол елдегі эпидемиологиялық ахуалдың күрт нашарлауын "омикрон" штамымен байланыстырды.
"Генетикалық зерттеулер нәтижесінде қаңтардың басында "омикрон" Нұр-Сұлтан және Алматыда анықталды. "Омикронның" ерекшеліктері – ауру жылдам жұғады, қайта жұқтыру қаупі жоғары. Ол жоғарғы тыныс алу жолдарында "Дельта" штамына қарағанда 70 есе жылдам көбейеді. Ауру жағдайлары 2-3 күнде екі есе өседі. Бұл аурудың жылдам көбеюіне әкеледі", – деді Ажар Ғиният.
Министр алдын ала зерттеулер ревакцинация аурудың ауыр түрлерінен, ауруханаға жатқызудан және өлімнен 70%-ға дейін қорғайтынын атап өтті.
Дәурен Ерболат
