Өткен тәулікте Қазақстанда СOVID-19 жұқтырудың 5 мыңнан аса дерегі тіркелді, деп хабарлайды inbusiness.kz.
Денсаулық сақтау министрлігінің мәліметінше, өткен тәулікте 5 721 адамнан коронавирус анықталған. Осылайша, елде СOVID-19 вирусын жұқтырғандар саны 1 266 128-ге жетті.
Сондай-ақ Қазақстанда 14 900 адам коронавирустан айықты. Нәтижесінде, 1 143 107 адам COVID-19-дан емделіп, сауығып шықты.
Биыл 5 ақпандағы мәлімет бойынша 110 876 адам СOVID-19-дан емделіп жатыр.
"Олардың ішінде 9 950 пациент стационарда, 100 926 науқас амбулаториялық деңгейде ем қабылдауда. 430 адамның жағдайы ауыр, 161 пациенттің жағдайы өте ауыр, 86 науқас өкпені жасанды желдету аппаратына қосылған", – деп жазылған хабарламада.
Сонымен қатар елде коронавирусқа қарсы вакцинаның бірінші компонентін 9 231 353 адам, екінші компонентін 8 803 633 адам салдырды.
Айта кетейік, кеше 6 648 адам COVID-19 вирусын жұқтырған еді.
