Қазақстанда 2700-ден аса адамнан COVID-19 анықталды, деп хабарлайды inbusiness.kz.
Денсаулық сақтау министрлігінің мәліметінше, өткен тәулікте коронавирус жұқтырған 2 781 жағдай тіркелді. Осылайша, COVID-19 жұқтырғандар саны 860 424-ке жетті.
2 909 адам коронавирустан айықты. Пандемия басталғалы бері 787 450 адам COVID-19-дан емделіп, сауығып шықты.
19 қыркүйектегі мәлімет бойынша 70 822 адам коронавирустан емделіп жатыр.
"Олардың ішінде 13 095 пациент стационарда, 57 727 науқас амбулаториялық деңгейде ем қабылдауда. 1 041 адамның жағдайы ауыр, 264 пациенттің жағдайы өте ауыр, 169 науқас өкпені жасанды желдету аппаратына қосылған", - деп жазылған хабарламада.
Сонымен қатар коронавирус пен пневмониядан 61 адам көз жұмды.
Қазақстанда коронавирусқа қарсы вакцинанының бірінші компонентін 7 284 247 адам, екінші компонентін 6 143 661 адам салдырды.
