Теңге – АҚШ доллары валюта жұбы бойынша операциялардың жалпы көлемі бір айда 3,5%-ға, жыл ішінде 13,7%-ға төмендеді, деп жазады inbusiness.kz, Ұлттық банкке сілтеме жасап.
Қазақстан қор биржасындағы биржалық сауда-саттық көлемі бір айда 7,2%-ға және жыл ішінде 29,2%-ға төмендеді.
"Халықтың тарапынан шетел валютасына сұраныстың төмендеуі байқалады. 2022 жылғы қыркүйекте шетел валютасын нетто-сатып алу а/а 25,7%-ға төмендеді. 2021 жылдың осындай кезеңімен салыстырғанда нетто-сатып алудың жалпы көлемі айтарлықтай дәрежеде АҚШ доллары мен Ресей рублін нетто-сатып алудың азаюы төмендеуі есебінен 2 еседен астам төмендеді", – делінген Ұлттық банк таратқан ақпаратта.
Шығыстардың 79,4%-ы немесе 113,7 млрд теңге – АҚШ долларын және 22,5%-ы немесе 32,2 млрд теңге – еуроны сатып алуға бағытталды. Валюталық бөліністе бір айда АҚШ долларын сатып алуға арналған шығыстар 23,1%-ға (жыл ішінде 42,4%), еуроны сатып алуға 20,0% (жыл ішінде 14,1%) төмендеді.
2022 жылғы қыркүйекте Ұлттық қордан трансферттерді жүзеге асыру үшін шетел валютасын шамалы конвертациялау болды, валюталық интервенция жүргізілмеді. Квазимемлекеттік сектордың экспорттық валюталық түсімді сатуы 583,5 млн АҚШ долларын құрады.
