2021 жылғы 08 қарашаға арналған ауа райы болжамы жарияланды, деп хабарлайды inbusiness.kz Қазгидромет болжамына сүйеніп.
Кең ауқымды антициклонның әсерінен ел аумағының басым бөлігінде жауын-шашынсыз ауа райы сақталады, тек республиканың батысында циклонның әсерінен жауын жауады.
Елдің солтүстік, шығыс, оңтүстік-шығысында желдің күшейіп, батыста және оңтүстіктегі таулы аудандарында тұман түседі.
Солтүстік Қазақстан облысында жел екпіні 23-28 м/с күшейеді.
Ақмола, Қостанай облыстарының солтүстігі мен орталығында жел екпіні 15-20 м/с, түнде 23-28 м/с жетеді.
Шығыс Қазақстан облысы Жарма ауданы, Жамбыл облысының солтүстік-шығысында және таулы аймақтарда, Павлодар облысының солтүстігінде жел 15-20 м/с күшейеді, түнде Жамбыл облысының оңтүстік шығысы мен таулы аудандарында тұман түседі.
Алматы облысының Алакөл көлдері аумағында желдің күші
17-22 м/с жетеді.
Атырау облысының батысы мен солтүстігінде, түнде Түркістан облысының оңтүстігі мен таулы аудандарында, түнде және таңертең Маңғыстау облысының солтүстік-батысында тұман түседі.
