Қазкоммерцбанк кредиттік карта нарығында өз қатысуын едәуір ұлғайтты: тек 2017 жылдың басынан бастап оның нарықтағы үлесі 4,7%-дан 6,1%-ға дейін өсті. Бұл 2016 жылғы ай сайын шығарылатын кредиттік карталардың көлемін ұлғайтудың арқасында мүмкін болды, яғни 2016 жылдың мамырында 1 мың дана карта шығарылса, 2017 жылдың дәл осы айында 12 мың данаға жуық карта айналымға шыққан, деп хабарлайды аталмыш банктің баспасөз қызметі.
Нәтижесінде, елдегі әр үшiншi кредиттік карта Қазкоммерцбанкпен шығарылады. Qazkom-ның кредиттік карта қоржыны осы аралықта 82,3 мыңнан 143 мың данаға дейін өскен.
Алдыңғы жылдың мамырында банк жекелеген клиенттерге қызмет көрсетуді арттыратын жаңа стратегияны қабылдап, бейілділік бағдарламаларына бағытталған бірқатар жаңа кредиттік карталарды шығарған еді. Олардың барлығында клиенттердің түрлі санатына қарай арналған ерекше ұсыныстар бар. Сонымен бірге банк заемшының төлеу қабілетін бағалаумен қатар бірқатар ішкі рәсімдерді оңтайландырды. Сондай-ақ банк нарықта 7,5 млн теңгені құрайтын максималды кредиттік лимитті орнатты. Кредиттік лимит қарыз алушының төлем қабілетін ескере отырып, әр заемшыға жеке бекітіледі.
Айта кетерлік бір жайт, Qazkom-ның барлық кредиттік карталары бойынша жеңілдетілген мерзім қарастырылған – 30-60 күнге дейін. Осы күн ішінде заемшы кредиттік лимит бойынша барша қарызын пайызсыз өтей алады. Qazkom-ның бөлшек сауда кредиттік карталарының желісі клиенттерге сауда және сервис кәсіпорындарында түрлі бонустарды алуға, бағалы сыйлықтар ұтысына қатысуға, Homebank.kz интернет-банкинг пен мобильдік қосымша арқылы өз қаражатын үздіксіз бақылап тұруға мүмкіндік береді.
Бүгінгі күні айналымда Қазкоммерцбанктің 2,5 млн жуық дебеттік және кредиттік карта бар. Банк Visa, MasterCard, Union Pay International ірі төлем жүйелерінің карталарын шығарады және Қазақстанда American Express-тің бірегей эмитенті, сондай-ақ Diners Club краталарын қабылдайтын жалғыз банк.
