Енді "Жасыл және сары аймақтағы" өңірлерде қоғамдық көлік қозғалысы түнгі 23:00-ге дейін ұзартылады. 21 қарашадан бастап клиенттерімен тікелей қарым-қатынас жасамайтын бизнес субъектілерінің жұмыс уақытына қатысты шектеулер алынып тасталады, деп хабарлайды Аtameken Business. Оның ішінде авто-экспресс, көлік жуу, автомобильдерге техникалық қызмет көрсету және жөндеу станциялары, тігін шеберханалары, тұрмыстық техника, аяқ киім жөндеу, химиялық тазалау орталықтары бар. Сондай-ақ, 21 қарашаға дейін халықпен байланыс деңгейі төмен бизнес нысандарының қосымша тізімі жасақталады.
Елдегі барлық мемлекеттік санитарлық дәрігердің қаулылары шектеулер енгізілгенге дейін 3 күн бұрын қабылдануға тиіс. Бұл бизнеске жаңа шектеулерге алдын-ала дайындалуға мүмкіндік береді.
