Елімізде тіркелген жеңіл автомобильдердің ең үлкен үлесі – 87,5% бензинмен жүреді, ал 8,3% – аралас жанармаймен, 1,9% – дизель отынымен, 0,1% – газбаллонды отынмен және тағы 0,1% электр қозғалтқыш есебінен қозғалады, деп хабарлайды Inbusiness.kz сайты.
Ресми деректер бойынша, бензинмен жүретін жеңіл автомобильдердің ең көбі Алматыда тіркелген – 496,8 мың, Алматы облысында – 478,6 мың және Астана қаласында – 314,2 мың.
2023 жылдың 9 айы ішінде 9869 жол-көлік оқиғасы тіркеліп, 14016 адам зардап шеккен.
Өткен жылғы тиісті кезеңмен салыстырғанда жол апатының саны 3,8%-ға қысқарды, ал зардап шеккендер саны 7,1%-ға азайған.
Сондай-ақ, 1 қазандағы жағдай бойынша, сақтандыру ұйымдары көлік иелерін міндетті сақтандыруға сәйкес 44,9 млн теңге сомасына 80913 сақтандыру төлемін жасады.
