Қазақстандағы тәртіпсіздіктерді ұйымдастыру және оған қатысу бойынша 44 қылмыстық іс қозғалды. Бұл туралы Бас прокурор Берік Асылов айтты, деп хабарлайды inbusiness.kz тілшісі.
Оның айтуынша, бүгінде ведомствоаралық жедел-тергеу тобы 4 бағыт бойынша жұмыс істеп жатыр.
"Біріншіден, жаппай тәртіпсіздіктерді ұйымдастыру және оған қатысу бойынша 44 қылмыстық іс тергеліп жатыр. Ақтөбе және Жамбыл облыстарында 9 ұйымдастырушы қамауға алынды", – деді Берік Асылов Мәжілістің жалпы отырысында.
Бас прокурор олар тәртіпсіздіктерге, мемлекеттік және коммерциялық нысандарды бүлдіруге шақырды деген күдікке ілінгенін атап өтті.
"Тәртіпсіздіктерге қатысушыларға қатысты 15 қылмыстық іс қозғалды. Бұл істер бойынша 527 күдікті тергеліп жатыр. 278 адам қамауға алынды", – деді Бас прокурор.
Дәурен Ерболат
