ҚР энергетика министрлігінің бастамасымен "ӨКМ Операторы" ЖШС тозығы жеткен көліктерді жергілікті жерден қабылдаудың мобильді бекетін іске қосады, деп хабарлайды strategy2050.kz.
2017 жылдың 30 қазаннан бастап әлеуметке арналған "Мобильді қабылдау бекеті" қызметін бастайды. Жылжымалы қабылдау бекеті Қарағанды, Ақмола, Павлодар және Алматы облысы бойынша қызмет етеді.
Шара аясында жеті бірдей елді мекен тұрғындары ескі көлігін (тек жеңіл автокөлік) тұрғылықты жерден өткізуге мүмкіндік алады. Автокөлік иелері бір терзе қағидасы бойынша машинасын ақшалай немесе жаңа көлік сатып алуға берілетін жеңілдік сертификатына тапсыра алады. Сонымен қатар мобильді бекет жобасы аясында Ұлы отан соғыс ардагерлері мен мүгедек (І-топ) жандар үшін арнайы мобильді топ жұмыс істейді. Яғни, аталған санаттағы азаматтар көлігін үйден шықпай өткізе алады.
Елді мекен аумағына жиналған көліктерді тұрақты қабылдау орнына жеткізуді ӨКМ операторы өзі жүргізеді. Ескі көліктерді жеңілдік сертификатына ауыстыру бағдарламасының талабын халыққа түсіндіріп, қандай отандық автокөлікті алуға болатындығын таныстыру мақсатында қазақстандық автоөндіруші өкілі топ құраманда бірге жүретін болады.
Жобаның басты мақсаты – ескі көліктерді жоюға тапсыру бағдарламасын шалғайдағы елді мекендерде жүргізу. Жергілікті жерден қабылдау акциясы зейнеткерлер мен мүгедек жандар үшін қолайлы екендігін көрсетіп отыр. Бұған дейін мобильді бекет қызметі Алматы облысы, Оңтүстік Қазақстан, Қостанай облысындағы елді мекендерде ұйымдастырылды. Өткізілген шара халыққа тиімділігін көрсетіп, әлеуметтік маңызға ие болды.
