Ел аумағына циклон мен оған байланысты атмосфералық фронт әсер етеді. Бұл факторлар Қазақстанның басым бөлігінде жаңбыр, найзағай, бұршақ, солтүстікте қатты жауын-шашын және желдің күшеюін тудырады. Оңтүстік пен оңтүстік-батыста шаңды дауыл соғуы мүмкін. Тек еліміздің оңтүстігінде жауын-шашынсыз ауа райы сақталады. Түнгі және таңертеңгі уақытта солтүстік пен солтүстік-батыста тұман түсуі ықтимал.
Өрт қаупі жоғары аймақтар:
Жоғары өрт қаупі Маңғыстау, Ақтөбе, Жамбыл, Батыс Қазақстан, Ұлытау облыстарында; Қарағанды облысының батысы, шығысы және оңтүстігі; Ақмола облысының батысы, солтүстігі, орталығы мен оңтүстігі; Атырау облысының солтүстік-батысы мен шығысы; Қостанай облысының солтүстік-батысы, оңтүстік-шығысы; Павлодар облысының солтүстік-батысы, орталығы мен оңтүстік-шығысы; Түркістан облысының орталығы; Алматы облысы; Солтүстік Қазақстан облысының оңтүстігі; Абай облысының солтүстік-батысы, шығысы, оңтүстік-батысы және орталығында күтіледі.
Аса жоғары (төтенше) өрт қаупі Қызылорда, Түркістан (солтүстік, батыс, оңтүстік, таулы аудандары), Жамбыл (батыс, шығыс, таулы аудандары), Ақтөбе (батыс, оңтүстік, оңтүстік-шығыс), Атырау (оңтүстік, солтүстік, батыс), Алматы (батыс, солтүстік), Маңғыстау (батыс), Қостанай (оңтүстік) облыстары мен Абай, Ұлытау және Жетісу облыстарының солтүстігі мен шығысында сақталады.
