12-14 желтоқсан күні Циндаода (ҚХР) дзюдодан әлемдік "Masters" турнирі өтеді, деп хабарлайды Olympic.kz.
Жылдың қорытынды жарысына әлемнің 67 елінен 448 татами шебері қатысады деп жоспарланған.
Халықаралық дзюдо федерациясының ережесіне сәйкес, жарыс жеңімпаздарына әлем рейтингінде 1800 ұпай, күміс жүлдегерге – 1260 ұпай, ал қола жүлдегерге 900 ұпайдан қосылады.
Аталған жарыста Қазақстан намысын 9 дзюдошы қорғайды.
Ерлер: Елдос Сметов (60 кг), Ғұсман Қырғызбаев (60 кг), Елдос Жұмақанов (66 кг), Ерлан Серікжанов (66 кг), Жансай Смағұлов (73 кг), Дидар Хамза (81 кг), Ислам Бозбаев (90 кг);
Әйелдер: Отгонцэцэг Галбадрах (48 кг), Севара Нишанбаева (57 кг).
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
