/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 364,14 Brent 36,55
Электр энергиясы қымбаттайды

Электр энергиясы қымбаттайды

Айдос Дәрібаевтың сөзіне қарағанда, энергия өндіруші ұйымдардың (ЭӨҰ) шекті тарифтерінің қазіргі деңгейі ЭӨҰ шығындарын толық көлемде жаппайды. 

30 Маусым 2020 17:29 160

Электр энергиясы қымбаттайды

1 шілдеден Қазақстанда электр энергиясы қымбаттайды. Бұл туралы ҚР Энергетика министрлігі Электр энергетикасын дамыту департаментінің директоры Айдос Дәрібаев мәлім етті, деп хабарлайды ҚазАқпарат.

«Электр қуаты нарығынан алынатын табыстың көп бөлігі станция жабдықтарын жаңғыртуға және қайта жаңартуға бағытталуы тиіс. Алайда, болжамдық бағалаулар бойынша бұл қаражат өзінің парктік ресурсын өтеген станциялардың жабдықтарын жаңғырту мен жаңартуды толық көлемде жүзеге асыруға мүмкіндік бермейді. Осылайша, станциялардың тозу деңгейі жылдан-жылға артып келеді және қазіргі уақытта шамамен 60 пайызды құрайды. Осыған байланысты электрмен жабдықтау сапасына қауіп төніп тұр»,– деді А. Дәрібаев бүгін Орталық коммуникациялар қызметінде.

Оның сөзіне қарағанда, энергия өндіруші ұйымдардың (ЭӨҰ) шекті тарифтерінің қазіргі деңгейі ЭӨҰ шығындарын толық көлемде жаппайды және станциялар электр қуаты нарығынан кірістердің бір бөлігін ағымдағы шығындарды жабуға бағыттауға мәжбүр болады. Бұл факт электр қуаттарының авариялық істен шығуының, тұтынушыларды электрмен жабдықтау сапасының төмендеуінің оқиғаларымен расталады.

«Осындай жағдай Қазақстандық тұтынушыларды көрші елдерден электр қуаттарын реттеу жөніндегі қызметтерді жылына 8 млрд теңгеден астам сомаға сатып алуға мәжбүр етеді. Бұл да электр энергиясының түпкілікті бағасына әсер етеді», – деді департамент басшысы.

Сонымен қатар ол министрліктің құзыретіне жеті жылдық кезеңге энергия өндіруші ұйымдардың электр энергиясын өндіруге арналған шекті тарифтерді бекіту мәселелері кіретінін еске салды. Халық үшін тарифтерді түзетумен Ұлттық экономика министрлігі айналысады.

«Электр энергиясына арналған тарифтер Заңға сәйкес 7 жылға белгіленеді, бұл ретте энергия өндіруші ұйымдардың электр энергиясын өндіруге арналған шығындары нақты ұлғайған жағдайда, энергия өндіруші ұйымдар уәкілетті органға шекті тарифтерді түзетуге өтінім беруге құқылы. Осыған байланысты Қазақстанның энергия өндіруші ұйымдары сәуір айында топтар бойынша шекті тарифтерді түзетуге өтінім берді. 44 энергия өндіруші ұйымның 35-інен өтінім берілді. Оларды қарау кезінде министрлік әр жағдай бойынша жеке тәсілді қолданды. Дер кезінде шешуді талап ететін өтінімдер назарға алынды», – деді Дәрібаев.

Бұйрықтың жобасы 2020 жылғы 10 маусымда ашылған НҚА сайтында жарияланды. ҚР «Атамекен» Ұлттық Кәсіпкерлер палатасымен және Энергетика министрлігінде тіркелген сараптамалық ұйымдармен талқылаулар өтті. Бұйрық жобасы қоғамдық кеңесте қаралды, сондай-ақ ашық НҚА порталының электрондық алаңында талқыланды. Тарифтерді түзету «Электр энергиясына шекті тарифтерді бекіту туралы «Қазақстан Республикасы Энергетика министрінің 2018 жылғы 14 желтоқсандағы № 514 бұйрығына өзгеріс енгізу туралы» ҚР Энергетика министрінің бұйрығымен ағымдағы жылдың 29 маусымында жүргізілді.

«Бұл бұйрық 2020 жылдың 1 шілдесінен бастап енгізілуге тиіс. Қазақстан бойынша энергия өндіруші ұйымдардың шекті тарифтерінің орташа ұлғаюы 16 пайыз деңгейінде болжануда», – деді департамент басшысы.

 

 

Электр тарифі қымбаттауы мүмкін

Бұған 1 қаңтардан бастап көтерілген көмір бағасы әсер етіп отыр.

30 Қаңтар 2020 16:37 288

Электр тарифі қымбаттауы мүмкін

Осы жылдың басынан бастап Қазақстанда көмір қымбаттады. Осыған байланысты жылдың ІІ-тоқсанында электр энергиясының бағасы көтерілуі мүмкін, деп хабарлайды zakon.kz.

1 қаңтардан бастап көмір бағасы көтерілді. «СЕВКАЗЭНЕРГО» АҚ бас директоры Игорь Татаровтың айтуынша, қазір компания бір тонна көмірді 2389 теңгеден алып жатқанын, ал өткен жылы оны 2174 теңгеден алғандарын айтты. Олар «Богатырь Көмір» ЖШС-дан көмір алады екен.

«Енді біз – Қазақстандағы энергетия өндірушілер сол шот-фактураны алып, жылу энергиясының қымбаттағанын айтып, Энергетика министрлігіне және Табиғи монополияларды реттеу департаментіне баруымызға тура келеді. Тұтынушы үшін жылу бағасы шамамен 2 пайызға қымбаттайды, ал электр энергиясы көмірдің өзіндік құнына байланысты 2 пайызға қымбаттайды», – деді ол.

Ол көмір жеткізуші компания бағаны көтеріп отырғандықтан басқа ештеңе істей алмайтындарын жеткізді.

«Біз дауласа алмаймыз, өйткені балама отын жоқ. Егер электр энергиясын, жылуды сату қызметтерін мемлекет реттесе, онда мемлекет көмірдің құнын реттемейді, мұның өзі қисынсыз ғой»,– дейді Игорь Татаров.

Бас директор атап өткендей, қаңтар-ақпан айында олардың компаниясы шығынға ұшырауы мүмкін. Содан кейін ұйым Энергетика министрлігіне шығып, өзіндік құн бойынша тарифті көтеруді сұрайды. Сол кезде Қазақстан электр қуатының тарифі өсуі мүмкін.

«Бұл наурыз айында болатын шығар. Жылына бір рет министрлік алдында біз бағаның өзіндік құнын қорғап отырамыз. Бұл әдетте бірінші тоқсанда болады, мүмкін наурыз айында болады. Барлық ұйымдар келіп, өзіндік құнын дәлелдейді»,– деді ол.

Әлемде ауаға тараған көмірқышқыл газы ең жоғарғы деңгейге жетті

CO2 мөлшері биыл 0,6%-ға көбейген.

27 Желтоқсан 2019 10:29 561

Әлемде ауаға тараған көмірқышқыл газы ең жоғарғы деңгейге жетті

Халықаралық қоршаған орта және климатты зерттеу орталығының соңғы дерегі бойынша, Жер планетасында көмірқышқыл газының мөлшері бұрын-соңды тіркелмеген деңгейге дейін өскен. Егер бұл тенденция жалғасатын болса, онда Париж келісіміне қол қойған елдер өз міндеттемелерін орындай алмай қалуы әбден мүмкін. 

Ослодағы CICERO мәліметіне сәйкес, 2019 жылы улы газдың ауадағы үлесі 0,6%-ға артқан. Мамандар жыл сайын CO2 мөлшерінің артуы БҰҰ-ның талаптарына сәйкес келмейтінін айтып, дабыл қағуда.

Газдың ауаға бөлінуін айтарлықтай қысқарту үшін зерттеушілер барлық елдерге экологиялық таза энергияның жалпыұлттық стандарттарын қабылдауды ұсынып отыр. Мұндай стандарт қазір АҚШ-тың бірнеше штатында бар. Мысалы, Калифорнияда осыған қатысты арнайы заң қабылданған. Жыл сайын бұл штатта жаңартылып отыратын энергия өндіріледі. Ал Огайода электр энергиясының 2,5% балаламалы қуат көзіндерінің үлесіне тиесілі.

Табиғат Нұрболат