"РИА Рейтинг" сарапшылары биылғы жылы ұсынған халықың электр энергиясына қолжетімділігі бойынша Еуропа елдерінің рейтингінде Қазақстан тариф құны ең төмен ел ретінде көш бастап тұр, деп хабарлайды inbusiness.kz тілшісі finprom.kz-ке сілтеме жасап.
Баға төмен ТОП-3 елдерге Ресей және Украина кірді. Осылайша Қазақстан да Ресей сияқты халық үшін электр қуатының қолжетімділігі бойынша алғашқы он елдің қатарына енді. Рейтингке сәйкес, елімізде орташа айлық жалақыға 13,99 мың кВт/сағ электр энергиясын сатып алуға жетеді. Бұл рейтингте 8-орын. Ресей 13,44 мың кВт/сағ көрсеткішімен ТОП-10 елдің қатарын қорытындылады. Бірақ Украина электр энергиясының арзандығына қарамастан, жалақының төмендеуіне байланысты 28-орынды иеленді (6,61 мың кВт/сағ). Рейтингті Исландия мен Норвегия ашса, Молдова ең соңында тұр.
Айта кетейік, Исландия мен Норвегия да бір адамның электр энергиясын тұтыну бойынша елдер рейтингінде көш бастап тұр: 2019 жылы Халықаралық энергетика агенттігінің (IEA) мәліметтері бойынша, жан басына шаққанда 52,5 мың және 23,8 мың кВт/сағ көрсеткішіне тұрақтаған.
Қазақстан жан басына шаққанда 5,2 мың кВт/сағ көрсеткішпен бұл рейтингте 143 елдің ішінде 41-орынға ие болды. Орталық Азия және ЕАЭО елдері арасында еліміз Ресейден (жан басына шаққанда 7 мың кВт/сағ) кейінгі екінші орында тұр, сол арқылы басқа мемлекеттерді басып озды. Осылайша, Беларусь небәрі 60, Украина – 67, Әзірбайжан – 80, Молдова – 81, Армения – 82, Қырғызстан – 84, Өзбекстан – 87, Тәжікстан – 90-орынға ие болды.
