"Біріншіден, аймақты тауарлық газбен қамтамасыз ету мәселесі. Біздің облыс тауарлық газды ірі жеткізуші болғанымен, әлеуетті инвестициялық жобаларымыз газбен жабдықтауға техникалық шарттарды алудан бас тартқандықтан іске асырыла бермейді. Одан кейін электр желілері мен автомобиль жолдарын жөндеу мәселесі тұр. Электр желілері мен автомобиль жолдары басқа Батыс облыстарға қарағанда бізде ұзын екенін айта кетейін. Орал мен Ақсай қалаларындағы жылу, сумен жабдықтау, кәріз-тазарту құрылғыларын қайта жаңарту керек. Қалалардағы инфрақұрылым желілерінде көптеген апат болғаны баршаға белгілі", – деді Есқалиев.
Айта кетейік, Батыс Қазақстан облысын дамытудың кешенді жоспары жалпы сомасы 2,6 трлн теңгені құрайтын 116 іс-шарадан тұрады. Оның ішінде республикалық бюджет – 416,1 млрд теңге, жергілікті бюжет – 117,8 млрд теңге, жеке инвестициялар – 2,1 трлн теңге.
Фото: zhaikpress.kz
