/img/tv1.svg
RU KZ
Елена Рыбакина Ресейдегі WTA турнирінің жартылай финалына өтті

Елена Рыбакина Ресейдегі WTA турнирінің жартылай финалына өтті

Финал жолдамасы үшін таласта ол Белинда Бенчич (Швейцария) – Мария Саккари (Грекия) жұбының жеңімпазына қарсы ойнайды.    

14 Ақпан 2020 19:59 466

 Елена Рыбакина Ресейдегі WTA турнирінің жартылай финалына өтті

Қазақстандық теннисші Елена Рыбакина Санкт-Петербургте өтіп жатқан WTA сериясындағы турнирдің жартылай финалына жетті, деп жазады Olympic.kz. 

Ширек финалда қазақстандық спортшы франциялық Осеан Доданға қарсы ойнаған болатын. Үш сетке созылған кездесу 6:7 (5:7), 7:5, 6:2 есебімен Рыбакинаның жеңісімен аяқталды. 

Теннисші Елена Рыбакина Прагада өтетін додаға қатысады

Жарыстың жалпы жүлде қоры 225 мың долларды құрайды.

24 Шілде 2020 18:04 302

Прагада әйелдер теннисінен халықаралық додаға қатысатын спортшылар тізімін шығарды. Аталған жарысқа қазақстандық теннисші Елена Рыбакина қатысады, деп хабарлайды Olympic.kz.

Теннис бәсекесіне Симона Халеп, Белинда Бенчич, Петра Мартич, Маркета Вондроушова, Мария Саккари, Анетт Контавейт, Элизе Мертенс, Донна Векич, Даяна Ястремская, Каролина Мухова, Екатерина Александрова, Анастасия Павлюченкова және де Вероника Кудерметова сынды спортшылар қатысады.

Айта кетерлігі, аталған турнир сәуір айының соңына жоспарланып, коронавирус пандемиясына байланысты кейінге шегерілген болатын. Жарыстың жалпы жүлде қоры 225 мың долларды құрайды.

Теннисші Елена Рыбакина Дубай турнирінің финалына шықты

Енді Дубайда ұтылғанның өзінде рейтингте 17-орынға көтеріледі.  

21 Ақпан 2020 22:22 347

Қазақстанның бірінші, әлемнің 19-ракеткасы Елена Рыбакина Дубай WTA премьер турнирінің финалына шықты, деп хабарлайды ҚазАқпарат.

Е.Рыбакина жартылай финалда әлемнің 15-ракеткасы, хорватиялық Петра Мартичпен кездесті.

Бірінші партия барысында хорватиялық спортшы 4:2 есебімен алға кетті. Дегенмен Елена таразы басын теңестіріп қана қоймай, тай-брейкте жеңісті жұлып алды - 7:6 (7:5).

Екінші сет те дәл осылай өрбіп, Мартич алға кетті - 3:0. Қазақстандық теннисші тағы да есепті теңестіріп, тай-брейкте матч нүктесін қойды - 7:6 (7:2).

Тартысты бәсеке 2 сағат 13 минутқа созылды.

Е.Рыбакина жүлде қоры 3 млн АҚШ долларына жуықтайтын жарыстың финалында әлемнің 2-ракеткасы, румыниялық Симона Халеп немесе рейтингте 52-орында тұрған америкалық Дженнифэр Брэдидің біреуімен бас жүлдені сарапқа салады.

Қазақстандық теннисші биыл осымен төртінші рет WTA додасының финалына шығып отыр. Ол соның біреуінде жеңіске жетті.