Қазақстанның ракеткасы әлемдік рейтингіде алғаш рет үздік 5 теннисшінің қатарына енді, деп хабарлайды inbusiness.kz тілшісі Қазақстан теннис федерациясына cілтеме жасап.
Алдағы дүйсенбіде жаңартылатын рейтингіде Е.Рыбакина 6-дан 5-інші орынға көтеріледі.
WTA Live рейтингісінде қазақстандық теннисші америкалық Кори Гауфты басып озды. К.Гауфф Рим мастерс турнирінде үшінші айналымнан аса алмаған еді. Сол себепті ол ұпайларын жоғалтып, алтыншы сатыға сырғиды.
Осылайша, бұл Қазақстан теннисі тарихындағы рекордтық көрсеткіш ретінде тіркелмек.
Еске сала кетейік, Рыбакина бастаған қазақстандық теннисшілер Ролан Гаррос турниріне қатысады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
