Уағдаластыққа сәйкес алдымен 500 тонна сиыр еті жөнелтіледі. Ол үшін ет комбинатында 120 бас ірі қара сойылады, деп хабарлайды 24.kz.
Жалпы өткен жылы 20 мың тоннаға жуық ет экспортталған. Көрсеткіш 2017 жылмен салыстырғанда 3,6 пайызға артық. Ал биыл кемі 30 мың тонна етті шетелге жөнелту жоспарланып отыр. Әсіресе, Әзербайжан, Армения, Бахрейн, Вьетнам, Германия Кувейттен Қазақстан өніміне сұраныс артқан.
Бүгінде Қытаймен балық және ет өнімдерінің экспортын 30 пайызға дейін арттыру мақсатында келісім жасалды.
"Иранға Кеден одағының мүшесі болғандықтан, біз тиісті ветеринарлық талаптарды ұстануымыз керек. Ол дегеніміз, Иран мен Қазақстан Республикасының арасында ветеринариялық талаптарға сәйкестендірілген. Сертификаттарға қол қойылған", – дейді ҚР АШМ ветеринарлық бақылау және қадағалау комитеті төрағасының орынбасары Салтанат Әбілқасымова.
