2020 жылдың мамырында елімзде 450,9 мың заңды тұлға тіркелген. Оның 316 мыңы жұмыс істеп тұрған кәсіпорындар. Өткен жылдың сәйкес кезеңімен салыстырғанда тіркелген заңды тұлғалар саны 3%-ға артқан. Ал жұмыс істеп тұрған компаниялар саны 8,2%-ға өскен, деп хабарлайды finprom.kz.
Олардың ішінде қызметін дөңгелетіп отырған 18,3 мың шетелдік кәсіпорын бар. Бір жылда олардың саны 16,5%-ға өскен.
Жалпы кәсіпкерлік нысандар есебінде аталған компаниялар үлесі 5,8%-ға артты.
Шетелдік компаниялардың 43%-дан астамы Алматыда шоғырланған. Шаһардағы олардың саны 7,9 мыңға жетті. Мегаполистегі шетелдік компаниялардың үлесі 10,1%.
Салалар бойынша өзге елден келген кәсіпкерлердің басым бөлігі – 8 мыңы сауда саласында, 1,8 мыңы құрылыста, 1,2 мыңы ғылым саласында жұмыс істейді. Сонымен қатар шетелдік компаниялардың үлесі тау-кенөнеркәсіпібінде жоғары.
Құралай Құдайберген
