Министрдің мәлімдеуінше барлық жер сілкінісінің орташа көрсеткіші 2 баллдан жоғары болған, деп хабарлайды inbusiness.kz.
"2020 жылы елімізде 18 жер сілкінісі тіркелді. Оның сегізі – Алматыда, екеуі – Шымкентте, алтауы – Алматы облысында, біреуі – Жамбыл облысында, біреуі – Түркістан облысында болды. Қабылданған шаралар шеңберінде 6 тұрғын үйдің, 28 мектеп пен мектепке дейінгі 1 мекеменің, 35 денсаулық сақтау нысанының сейсмотұрақтылығы күшейтілді. 12 мыңнан астам нысан тексеріліп, 10 мыңнан астам нысан паспортталды", – деді Юрий Ильин.
Министрдің мәлімдеуінше, қазір 2023 жылға дейін сейсмотұрақтылықты арттыруға қатысты жол картасы әзірленіп жатыр. Құжатта ғимараттардың сейсмикалық тұрақтылығын арттыру, халықты құлақтандыру және оқыту жүйесін дамыту жөніндегі іс-шаралар қамтылады.
Қанат Махамбет
