Аталған жаңалықпен Қазақстандағы органикалық өнім шығарушылар одағының директоры Арсен Керімбеков бөлісті, деп хабарлады eldala.kz.
"Елімізде көптеген органика өсіретін компаниялар өздерінің байланыс ақпараттарымен бөлісуге асықпайды. Олар өз салаларын жақсы біледі және жарнаманы қажет етпейді. Өйткені оларда өнімді өткізетін нарық ретке келтірілген. Сондықтан олардың тәжірибесіне қызыққан адамдар бізге хабарласса болады. 2020 жылдың желтоқсанындағы мәлімет бойынша елде мұндай 62 оператор жұмыс істеп жатыр. Оның 46-сы шамамен 190 мың гектар жерде органикалық дақылдар мен бұршақ тұқымдас өнімдер өсіреді. Ал жетеуі трейдерлер мен логистикалық компаниялар. Екі компания органикалық өнімдерге ауыса бастады, тағы екеуі қоғамдық мекемелер", - дейді сарапшы.
