Шұғыл штабтың хабарлауынша, өткен тәулікте 1007 адамнан коронавирус анықталған.
Аймақтар бойынша: Нұр-Сұлтан қаласы – 131, Алматы қаласы – 95, Шымкент қаласы – 20, Ақмола облысы – 87, Ақтөбе облысы – 8, Алматы облысы – 48, Атырау облысы – 21, Шығыс Қазақстан облысы – 75, Жамбыл облысы – 18, Батыс Қазақстан облысы – 87, Қарағанды облысы – 66, Қостанай облысы – 78, Қызылорда облысы – 9, Маңғыстау облысы – 7, Павлодар облысы – 180, Солтүстік Қазақстан облысы – 65, Түркістан облысы – 12.
Осылайша елде COVID-19 тіркелгелі бері вирус 199093 адам ауырып, олардың 180807-і жазылған.
Денсаулық сақтау министрлігінің коронавирус инфекциясына шалдыққандар туралы бүгінгі ақпаратына сүйенсек, қазір 25 272 адам (15 660 КВИ+ және 9 612 КВИ-) емделіп жатыр. Олардың ішінде 5 318 пациент стационарда, 19 954 науқас амбулаториялық деңгейде ем қабылдауда.
"КВИ+, КВИ- шалдыққандардың арасында: 260 адамның жағдайы ауыр, 48 пациенттің жағдайы өте ауыр, 46 науқас ӨЖЖ аппаратында жатыр",– деп жазылған ДСМ хабарламасында.
