Оның ішінде бастауыш сыныпты – 374 мың, негізгі мектепті 341 мың бала тәмамдайды. Бұл туралы Оқу-ағарту министрі Ғани Бейсембаев Үкімет отырысында хабарлады, деп хабарлайды inbusiness.kz сайты.
"186 мың түлек мектеп қабырғасынан түлеп ұшады. "Алтын белгіге" үміткерлердің саны – 7 704. Оқу жылын "Білімім – Отаныма" атты бірыңғай сынып сағаттарын өткізумен аяқтау жоспарланып отыр. Сонымен қатар мектеп түлектеріне арналған "Мектебім, саған мың алғыс!" атты салтанатты іс-шарасы 25 мамырда өтеді. Аттестаттарды табыстау рәсімі 12-15 маусым аралығына белгіленді", - деді ведомство басшысы.
Министрдің дерегінше, 9 және 11-сынып бітірушілерінің қорытынды емтихандары 29 мамыр-11 маусым аралығына белгіленді.
"Биыл алғаш рет 5-8, 10-сыныптарда қазақ тілін меңгеруді бағалау мақсатында қазақ тілінде және басқа тілде оқытатын мектептердің білім алушылары үшін аралық емтихандар өткізіледі", - деді Ғани Бейсембаев.
