Қазақстанда 7 мыңнан аса адам COVID-19-дан айықты, деп хабарлайды inbusiness.kz.
Денсаулық сақтау министрлігінің мәліметінше, өткен тәулікте 7 353 адам коронавирустан жазылған. Осылайша, COVID-19-дан 656 887 адам COVID-19-дан емделіп, сауығып шықты.
Коронавирус жұқтырудың 6 233 дерегі тіркелді. Елімізде COVID-19 жұқтырғандар саны 773 934-ке жетті.
28 тамыздағы мәлімет бойынша 114 764 адам коронавирустан емделіп жатыр.
"Олардың ішінде 25 694 пациент стационарда, 89 070 науқас амбулаториялық деңгейде ем қабылдауда. 1 810 адамның жағдайы ауыр, 506 пациенттің жағдайы өте ауыр, 308 науқас өкпені жасанды желдету аппаратына қосылған", - деп жазылған хабарламада.
Сонымен қатар коронавирус пен пневмониядан 131 адам қайтыс болды.
Қазақстан өңірлеріндегі эпидемиологиялық ахуалды бағалау матрицасы төмендегідей:
"Қызыл" аймақта": Нұр-Сұлтан, Алматы, Шымкент қалалары, Ақмола, Ақтөбе, Алматы, Атырау, Батыс Қазақстан, Жамбыл, Қарағанды, Қостанай, Қызылорда, Маңғыстау, Павлодар, Солтүстік Қазақстан және Шығыс Қазақстан облыстары.
"Жасыл аймақта": Түркістан облысы.
Сондай-ақ елімізде COVID-19-ға қарсы вакцинаның бірінші компонентін 6 564 783 адам, екінші компонентін 5 283 826 адам салдырды.
