Синоптиктер алдағы күндері жаңбырдың толастамайтындығын хабарлады. Тіпті, "Қазгидромет" мамандары ауа райының күрт өзгреуіне байланысты ескерту жариялады.
Болжам бойынша, мамырдың 21 мен 22-сінде еліміздің 5 өңірінде қатты дауыл соғады. Жамбыл облысында желдің ұйытқуы секундына 15-20 метрге жетіп, кей жерлерде найзағай ойнап, жауын жаууы мүмкін. Шығыс Қазақстанда да бұршақты нөсер түсіп, қатты жел соғады. Қостанай облысында нөсер жауынмен қоса, тұман торлайды, түнде ауа райы 0-ден төменге түседі. Ал Солтүстік Қазақстанда қар аралас жаңбыр жауады деген болжам бар. Термометр бағаны -1-6 градусқа дейін түсуі ықтимал. Ертең Ақмола облысының кей жерлерінде күндіз найзағай жарқылдап, бұршақ жауады. Ал Нұр-Сұлтанда алдағы тәуліктерде түнде ауа температурасы -3 градусқа дейін төмендейді.
